മണ്ണാര്‍ക്കാട്: ഓള്‍ ഇന്ത്യ അവാര്‍ഡി ടീച്ചേഴ്സ് ഫെഡറേഷന്‍ നല്‍കുന്ന സംസ്ഥാനത്തെ മികച്ച അധ്യാപകനുള്ള ഗുരു ശ്രേഷ്ഠ പുരസ്‌കാരം പള്ളിക്കുറുപ്പ് ശബരി ഹയര്‍ സെക്ക ന്‍ഡറി സ്‌കൂള്‍ പ്രിന്‍സിപ്പല്‍ എ. ബിജുവിന്. സ്‌കൂളില്‍ 26 വര്‍ഷമായി സേവനം ചെയ്തു വരുന്ന ഇദ്ദേഹം കഴിഞ്ഞ ആറു വര്‍ഷത്തിലേറെയായി ഹയര്‍ സെക്കന്‍ഡറിവിഭാഗം പ്രിന്‍സിപ്പലാണ്. അക്കാദമികരംഗത്തെ പ്രോത്സാഹനം, വിദ്യാര്‍ഥികളുടെ സേവന യൂണിറ്റുകളുടെ രൂപവത്കരണം, പാലിയേറ്റീവ് പ്രവര്‍ത്തനങ്ങള്‍ തുടങ്ങിയവ കണക്കി ലെടുത്താണ് അവാര്‍ഡ്. കഴിഞ്ഞ നാലുവര്‍ഷം തുടര്‍ച്ചയായി 100ശതമാനം വിജയം നേടുന്ന സയന്‍സ് ബാച്ച്, എന്‍.എസ്.എസ്,, സ്‌കൗട്ട് ഗൈഡ് പ്രസ്ഥാനങ്ങള്‍ ഹയര്‍ സെക്കന്‍ഡറി മേഖലയില്‍ തുടങ്ങിയത്, രണ്ട് വര്‍ഷം തുടര്‍ച്ചയായി ബി.ആര്‍.സി.യുടെ ഇന്നവേറ്റീവ് അവാര്‍ഡ് സ്‌ക്കൂളിന് നേടാനായതും ഇദ്ദേഹത്തിന്റെ മികവിലാണ്. സ്‌കൂളില്‍ നിന്ന് പ്ലസ്ടു പഠനംപൂര്‍ത്തീകരിച്ച വിദ്യാര്‍ഥികള്‍ക്ക് സ്വയം തൊഴില്‍ പരിശിലിപ്പിക്കുന്ന പദ്ധതി ‘ ജീവനം’ തുടങ്ങി. മുഴുവന്‍ കുട്ടികളുടെയും രക്ഷിതാക്കളെ അടുത്തറിയാനും പഠന പിന്തുണ നല്‍കാനുമായി ഗൃഹസന്ദര്‍ശനവും നടത്തിവരുന്നു. കരിയര്‍ഗൈഡന്‍സ്, സൗഹൃദ എന്നിവയുടെ പ്രവര്‍ത്തനം, എന്‍.എസ്.എസ്. ടീമിന്റെ വൈവിധ്യമാര്‍ന്ന പ്രവര്‍ത്തനം, പാലിയേറ്റീവ് പ്രവര്‍ത്തനം എന്നിവയ്ക്കും നേതൃത്വം നല്‍കിവരുന്നു.
