മണ്ണാര്‍ക്കാട് : കാലിക്കറ്റ് യൂണിവേഴ്‌സിറ്റി സി-സോണ്‍ ഫുട്‌ബോള്‍ ചാംപ്യന്‍ഷിപ്പില്‍ എം.ഇ.എസ് കല്ലടി കോളജിന് കിരീടം. കോളജില്‍ നടന്ന ഫൈനലില്‍ ഷൊര്‍ണൂര്‍ എസ്.എന്‍. കോളജിനെ പെനാല്‍റ്റി ഷൂട്ടൗട്ടില്‍ പരാജയപ്പെടുത്തി. നിശ്ചിത സമയത്ത് ഇരുടീമുകളും ഒരോ ഗോള്‍ വീതം നേടി സമനിലയില്‍ പിരിഞ്ഞു. തുടര്‍ന്ന് പെനാല്‍റ്റി ഷൂട്ടൗട്ടില്‍ നാല്-മൂന്ന് എന്ന സ്‌കോറിനാണ് കല്ലടി കോളജ് വിജയിച്ചത്. പ്രിന്‍സിപ്പല്‍ സി.രാജേഷ് , സി സോണ്‍ കണ്‍വീനര്‍ ഡോ.മായ എന്നിവര്‍ ചേര്‍ന്ന് സമ്മാനദാനം നട ത്തി. വിക്ടോറിയ കോളജ് കായികവിഭാഗം മേധാവി ഡോ. രാജേഷ്, ഫുട്‌ബോള്‍ കോച്ച് രാജീവ്, എം.ഇ.എസ്. കോളജ് കായികവിഭാഗം മേധാവി പ്രൊഫ. മൊയ്ദീന്‍, കായികാ ധ്യാപകരായ ഡോ.സലീജ്, സൂഫൈല്‍, പി.കെ ഉബൈദ് എന്നിവര്‍ പങ്കെടുത്തു.
