മണ്ണാര്‍ക്കാട്: മണ്ണാര്‍ക്കാട് അഗ്നി രക്ഷാനിലയത്തിലെ സീനിയര്‍ ഫയര്‍ ആന്‍ഡ് റെസ്‌ ക്യൂ ഓഫീസര്‍ തസ്തികയില്‍നിന്നും വിരമിക്കുന്ന ടി. ജയരാജന് സ്റ്റേഷന്‍ ഓഫീസില്‍ യാത്രയയപ്പ് നല്‍കി. ജില്ലാ ഫയര്‍ ഓഫിസര്‍ ടി. അനൂപ് ഉദ്ഘാടനം ചെയ്തു. സ്റ്റേഷന്‍ ഓ ഫിസര്‍ പി. സുല്‍ഫീസ് ഇബ്രാഹിം അധ്യക്ഷനായി. അസി. സ്റ്റേഷന്‍ ഓഫിസര്‍ എ.കെ. ഗോവിന്ദന്‍ കുട്ടി, ഗ്രേഡ് അസി. സ്റ്റേഷന്‍ ഓഫിസര്‍ കെ. മണികണ്ഠന്‍, സി. റിജേഷ്, വി. സുരേഷ്‌കുമാര്‍ എന്നിവര്‍ സംസാരിച്ചു. മറ്റു ഉദ്യോഗസ്ഥര്‍, സിവില്‍ ഡിഫന്‍സ്, ആപ്ത മിത്ര പ്രതിനിധികളും ജില്ലയിലെ വിവിധ അഗ്നിരക്ഷാ നിലയങ്ങളിലെ അംഗങ്ങളും പങ്കെടുത്തു.
