മണ്ണാര്‍ക്കാട്: വാക് തര്‍ക്കത്തെ തുടര്‍ന്ന് യുവാവിനെ കത്തികൊണ്ട് കുത്തിപ്പരിക്കേ ല്‍പ്പിച്ച കേസില്‍ പ്രതിയെ മണ്ണാര്‍ക്കാട് പോലീസ് അറസ്റ്റുചെയ്തു. കാഞ്ഞിരപ്പുഴ തൃ ക്കളൂര്‍ കല്ലമ്പുള്ളി വീട്ടില്‍ ജാഫര്‍ സാദിഖ് (42) ആണ് അറസ്റ്റിലായത്. പള്ളിക്കുറുപ്പ് ചിറക്കല്‍പ്പടി മൂച്ചിക്കല്‍ വീട്ടില്‍ സുനീര്‍ ബാബു (40)നാണ് കുത്തേറ്റത്. ചൊവ്വാഴ്ച വൈകീട്ടാണ് സംഭവം.
ചിറക്കല്‍പ്പടി ജങ്ഷനില്‍വച്ച് വാഹനകച്ചവടുമായി ബന്ധപ്പെട്ടുണ്ടായ തര്‍ക്കമാണ് കത്തിക്കുത്തില്‍ കലാശിച്ചതെന്ന് പോലീസ് പറയുന്നു. ആക്രമണത്തില്‍ സുനീറിന്റെ തോളിനും വയറിലും തോള്‍ ഭാഗത്തും പരിക്കേറ്റു. തുടര്‍ന്ന് വട്ടമ്പലത്തെ സ്വകാര്യ ആശുപത്രിയില്‍ ചികിത്സ തേടി. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
