മണ്ണാര്‍ക്കാട് : കാലിക്കറ്റ് യൂനിവേഴ്‌സിറ്റിക്ക് കീഴിലുള്ള കോളേജ് യൂനിയന്‍ തെര ഞ്ഞെടുപ്പിന് മുന്നോടിയായി തുടരുന്ന വസന്തം നിലയ്ക്കാത്ത പോരാട്ടം എന്ന മുദ്രാവാക്യമുയര്‍ത്തി എം.എസ്.എഫ്. മണ്ണാര്‍ക്കാട് നിയോജക മണ്ഡലം കമ്മിറ്റി നഗരത്തില്‍ ഫ്‌ലാഗ് മാര്‍ച്ച് നടത്തി. കുന്തിപ്പുഴയില്‍ നിന്നും ആരംഭിച്ച മാര്‍ച്ച് മുസ്‌ലിം ലീഗ് നിയോജക മണ്ഡലം പ്രസിഡന്റ് റഷീദ് ആലായന്‍ ഫ്‌ലാഗ് ഓഫ് ചെയ്തു. ദേശീയപാത വഴി മാര്‍ച്ച് എം.ഇ.എസ്. കല്ലടി കോളജ് പരിസരത്ത് സമാപിച്ചു. തുടര്‍ന്ന് നടന്ന യോഗം എം.എസ്.എഫ്. സംസ്ഥാന പ്രസിഡന്റ് പി.കെ നവാസ് ഉദ്ഘാടനം ചെയ്തു. നിയോജക മണ്ഡലം പ്രസിഡന്റ് ടി.കെ സഫ്‌വാന്‍ അധ്യക്ഷനായി. മുസ് ലിം ലീഗ് നിയോജക മണ്ഡലം ജനറല്‍ സെക്രട്ടറി ഹുസൈന്‍ കോളശ്ശേരി, യൂത്ത് ലീഗ് നിയോജക മണ്ഡലം പ്രസിഡന്റ് ഷമീര്‍ പഴേരി, എം.എസ്.എഫ്. ദേശീയ വൈസ് പ്രസിഡന്റ് എം.ടി അസ്‌ലം, ജില്ലാ പ്രസിഡന്റ് കെ.യു ഹംസ, മറ്റുനേതാക്കളായ ഇര്‍ഷാദ് കൈതച്ചിറ, മുസ്തഫ, സൈഫുദ്ദീന്‍, പരീത്, സഫ്‌വാന്‍, റഷൂക്ക്, ഹബീബ് റഹ്മാന്‍, റിസ്വാന്‍, ഫാസില്‍ ചങ്ങോടന്‍, ദില്‍ന, മലീഹ തുടങ്ങിയവര്‍ പങ്കെടുത്തു.
