മണ്ണാര്‍ക്കാട് : മരം വെട്ടുന്നതിനിടെയുണ്ടായ അപകടത്തില്‍ പരിക്കേറ്റയാള്‍ മരിച്ചു. ചങ്ങലീരി മല്ലിയില്‍ സൈതലവി (60) ആണ് മരിച്ചത്. ഇന്ന് ഉച്ചയ്ക്ക് 12.15ഓടെ കൈ തച്ചിറയിലുള്ള സ്വകാര്യവ്യക്തിയുടെ വളപ്പില്‍വച്ചായിരുന്നു സംഭവം. മരംമുറിക്കുന്ന തിനിടെ മരക്കൊമ്പ് തലക്കടിച്ച് മരത്തില്‍ നിന്നും വീണാണ് പരിക്കേറ്റത്. തുടര്‍ന്ന് വട്ടമ്പലത്തെ സ്വകാര്യ ആശുപത്രിയില്‍ എത്തിച്ചെങ്കിലും മരണം സംഭവിച്ചതായി പരിശോധിച്ച ഡോക്ടര്‍ സ്ഥിരീകരിച്ചു.
