മണ്ണാര്‍ക്കാട്: മണ്ണാര്‍ക്കാട് സ്പാര്‍ട്ടന്‍സ് അക്കാദമിയില്‍ നടന്ന സബ് ജില്ലാ സ്‌കൂള്‍ ജൂഡോ ടൂര്‍ണ്ണമെന്റില്‍ കോട്ടോപ്പാടം കല്ലടി അബ്ദു ഹാജി ഹയര്‍ സെക്കന്‍ഡറി സ്‌കൂളിന് ഹാട്രിക്ക് കിരീടം. കൂടാതെ വിവിധ വിഭാഗം മത്സരങ്ങളില്‍ സ്‌കൂളിലെ മുപ്പതിലധികം വിദ്യാര്‍ഥികള്‍ക്ക് ജില്ലാ ജൂഡോ മത്സരത്തില്‍ പങ്കെടുക്കുന്നതിന് യോഗ്യത നേടുകയും ചെയ്തു. 11 പോയിന്റോടെ കോട്ടോപ്പാടം സ്‌കൂളും ശബരി ഹൈസ്‌കൂളും ഒന്നാം സ്ഥാനം പങ്കിട്ടു. കുമരംപുത്തൂര്‍ കല്ലടി രണ്ടാം സ്ഥാനവും ഡി.ബി.എച്ച്.എസ് തച്ചമ്പാറ മൂന്നാം സ്ഥാനവും നേടി. കോട്ടാപ്പാടം സ്‌കൂളിലെ കായികാധ്യാപിക ഷിജി ജോര്‍ജ്ജ് പരിശീല കന്‍ കെ.പി റിയാസ് മത്സരിച്ച വിദ്യാര്‍ഥികളെയും പി.ടി.എയും അധ്യാപകരും മറ്റ് ജീവനക്കാരും അനുമോദിച്ചു.
