ഷോളയൂര്‍: ലോക ഒ.ആര്‍.എസ്. ദിനാചരണത്തിന്റെ ജില്ലാ തല ഉദ്ഘാടനം ഷോളയൂര്‍ വരഗംപാടി കമ്മ്യണിറ്റി ഹാളില്‍ ജില്ലാ സര്‍വൈലന്‍സ് ഓഫിസര്‍ ഡോ.ഗീതു മരിയ ജോസഫ് ഉദ്ഘാടനം ചെയ്തു. കുടുംബാരോഗ്യ കേന്ദ്രം സൂപ്രണ്ട് ഡോ.ജോജോ ജോണ്‍ അധ്യക്ഷനായി. ഊരുമൂപ്പന്‍ രാമകൃഷ്ണന്‍ മുഖ്യാതിഥിയായി. ഊരിന്റെ തനതുഭാഷയി ല്‍ ഒ.ആര്‍.എസിന്റെ പ്രാധാന്യത്തെ കുറിച്ച് ഹെല്‍ത്ത് ഇന്‍സ്‌പെക്ടര്‍ എസ്.എസ്.കാളി സ്വാമി ക്ലാസെടുത്തു. പാലക്കാട് ആര്‍ദ്രം നോഡല്‍ ഓഫിസര്‍ ഡോ.അനൂബ് റസാഖ്, മെഡിക്കല്‍ ഓഫിസര്‍മാരായ ഡോ.ബിനോയ് ബാബു, ഡോ.ആര്‍.വിശാഖ്, ഹെല്‍ത്ത് സൂപ്പര്‍വൈസര്‍ അബ്ദുള്‍ ലത്തീഫ്, ഡെപ്യുട്ടി ഡിസ്ട്രിക്ട് എജ്യുക്കേഷന്‍ ആന്‍ഡ് മീഡിയ ഓഫിസര്‍ പി.പി.രജിത, ടെക്‌നിക്കല്‍ അസിസ്റ്റന്റ് രാമന്‍കുട്ടി, ജില്ലാ പബ്ലിക് ഹെല്‍ത്ത് നഴ്‌സിങ് ഇന്‍ചാര്‍ജ് മിനി തുടങ്ങിയവര്‍ സംസാരിച്ചു. ഷോളയൂര്‍ ഹയര്‍ സെക്കന്‍ഡറി സ്‌കൂള്‍ വിദ്യാര്‍ഥിനികള്‍ അവതരിപ്പിച്ച ഫ്‌ലാഷ് മൊബ് ശ്രദ്ധേയമായി.
