മണ്ണാര്‍ക്കാട് : കേരള സ്‌റ്റേറ്റ് സര്‍വീസ് പെന്‍ഷനേഴ്‌സ് യൂണിയന്‍ മണ്ണാര്‍ക്കാട് യൂണിറ്റും പെന്‍ഷണേഴ്‌സ് ലൈബ്രറിയും സംയുക്തമായി പോത്തോഴിക്കാവ് അംഗനവാടിയില്‍ പരിസ്ഥിതിദിനാചരണം സംഘടിപ്പിച്ചു. വാര്‍ഡ് കൗണ്‍സിലര്‍ സിന്ധു ടീച്ചര്‍ ഉദ്ഘാടനം ചെയ്തു. അംഗനവാടിവളപ്പില്‍ പ്ലാവിന്‍ തൈയും നട്ടു. 50 പാഷന്‍ ഫ്രൂട്ട് തൈകളുടെ വിതരണോദ്ഘാടനം യൂണിയന്‍ ജില്ലാ കമ്മിറ്റി അംഗം കെ.മോഹന്‍ദാസ് നിര്‍വഹിച്ചു. യൂണിറ്റ് പ്രസിഡന്റ് സി.രാമചന്ദ്രന്‍ അധ്യക്ഷനായി. ശാസ്ത്ര അധ്യാപകന്‍ സി.ടി. സുരേന്ദ്രന്‍ പരിസ്ഥിതി സന്ദേശം നല്‍കി. യൂണിറ്റ് സെക്രട്ടറി എം.ചന്ദ്രദാസന്‍, ബ്ലോക്ക് ജോയിന്റ് സെക്രട്ടറി ഹസ്സന്‍ മുഹമ്മദ്, അംഗനവാടി വര്‍ക്കര്‍ ഷീല, യൂണിറ്റ് ട്രഷറര്‍ സദാനന്ദന്‍, പി.നാരായണന്‍കുട്ടി, പി.എം.ബഷീര്‍ എന്നിവര്‍ സംസാരിച്ചു. അംഗനവാടി പരിസരം ശുചീകരിക്കുകയും ചെയ്തു.
