അലനല്ലൂര്‍: എടത്തനാട്ടുകര ഗവ.ഓറിയന്റൽ ഹയര്‍ സെക്കണ്ടറി സ്‌കൂള്‍ പത്രം മികവ് എന്‍ ഷംസുദ്ദീന്‍ എംഎല്‍എ സ്‌കൂള്‍ എസ്എംസി ചെയര്‍മാന്‍ സിദ്ദീഖ് പാലത്തിങ്ങലിന് നല്‍കി പ്രകാശനം ചെയ്തു.എട്ടു പേജുകളിലായി സ്‌കൂളിലെ വാര്‍ത്താ വിശേഷങ്ങളാണ് പ്രസിദ്ധീകരിച്ചിരിക്കുന്നത്.പ്രിന്‍സിപ്പല്‍ എസ്.പ്രതീഭ ചീഫ് എഡിറ്ററായും പ്രധാനാ ധ്യാപകന്‍ പി.റഹ്മത്ത് എഡിറ്ററായും അധ്യാപകരായ പി.അബ്ദുസ്സലാം, എസ്.ഉണ്ണികൃഷ്ണന്‍ നായര്‍ എന്നിവര്‍ സ്റ്റാഫ് എഡിറ്റര്‍മാരുമായ പത്രാധിപ സമിതിയാണ് സ്‌കൂള്‍ പത്രത്തിനു പിന്നില്‍ പ്രവര്‍ത്തിച്ചത്.പി.ടി.എ. എക്‌സിക്യൂട്ടീവ് അംഗം പി.അബ്ദുള്‍സലാം, പ്രധാനാ ധ്യാപകന്‍ പി.റഹ്മത്ത്, അധ്യാപകരായ എസ്. ഉണ്ണികൃഷ്ണന്‍ നായര്‍, പി. അബ്ദുസ്സലാം എന്നിവര്‍ സംബന്ധിച്ചു.
