അലനല്ലൂര്‍: മികവുകളാല്‍ ശ്രദ്ധേയമായി മുണ്ടക്കുന്ന് എഎല്‍പി സ്‌കൂളിലെ പഠനോ ത്സവം.അലനല്ലൂര്‍ പഞ്ചായത്ത് അംഗം സജ്‌ന സത്താര്‍ ഉദ്ഘാടനം ചെയ്തു.പാഠഭാഗങ്ങള്‍ നാടകമാക്കി അവതരിപ്പിക്കല്‍,കവിതകളുടെ ദൃശ്യാവിഷ്‌കാരം,ഇംഗ്ലീഷ് സ്‌കിറ്റുകള്‍, കേരളം-ജില്ലകള്‍ റോള്‍ പ്ലേ, വനസംരക്ഷണ ബോധവല്‍ക്കരണം മൈമിംഗ്, ശാസ്ത്ര പരീക്ഷണ കോര്‍ണറുകള്‍, ഗണിതം ലളിതം അവതരണ കോര്‍ണറുകള്‍, ഒരു വര്‍ഷ ക്കാലത്തെ പഠനോപകരണ പ്രദര്‍ശനങ്ങള്‍ എന്നിവ നടന്നു.പിടിഎ പ്രസിഡന്റ് ഷമീര്‍ തോണിക്കര അധ്യക്ഷനായി.ബിപിസി ട്രെയിനര്‍ മുഹമ്മദാലി മാസ്റ്റര്‍,ബിആര്‍സി ട്രെ യിനര്‍ സുകുമാരന്‍ മാസ്റ്റര്‍ എന്നിവര്‍ ക്ലാസ്സെടുത്തു.പ്രാധാനാധ്യാപകന്‍ പി.യൂസഫ്, എം.പി.ടി.എ. പ്രസിഡണ്ട് സി. റുക്സാന, വൈസ് പ്രസിഡണ്ട് ടി. ജംഷീന,പി.ടി.എ. വൈസ് പ്രസിഡണ്ട് രത്‌നവല്ലി,എസ്.ആര്‍.ജി. കണ്‍വീനര്‍ പി.ജിതേഷ്,സ്റ്റാഫ് സെക്രട്ടറി പി. ഹംസ,സീനിയര്‍ അസിസ്റ്റന്റ് ഒ.ബിന്ദു എന്നിവര്‍ സംസാരിച്ചു.
