മണ്ണാര്‍ക്കാട്: ഹാള്‍ ടിക്കറ്റ് ലഭിക്കാത്തതിനാല്‍ കെടെറ്റ് പരീക്ഷയെഴുതാന്‍ കഴിയാതെ പോയ ചില വിദ്യാര്‍ത്ഥികള്‍ക്ക് വീണ്ടും അവസരം നല്‍കാന്‍ നടപടിയുണ്ടാകണമെന്നാ വശ്യപ്പെട്ട് എന്‍ എസ് സി ജില്ലാ പ്രസിഡന്റ് പി സി ഇബ്രാഹിം ബാദുഷ പരീക്ഷാ ഭവന്‍ കമ്മീഷണര്‍ക്ക് നിവേദനം നല്‍കി.ഹാള്‍ ടിക്കറ്റ് ഡൗണ്‍ലോഡ് ഫോട്ടോ ഫോര്‍മാറ്റ് കൃത്യമല്ലാത്തതിനാല്‍ ഡൗണ്‍ലോഡ് സാധിച്ചില്ലെന്നും ഫോട്ടോ ഫോര്‍മാറ്റ് കൃത്യമാക്ക ണമെന്നുമാണ് വെബ്‌സൈറ്റില്‍ കാണിച്ചിരുന്നതെന്നും നിവേദനത്തില്‍ പറയുന്നു. ഫോട്ടോ വീണ്ടും അപ്ലോഡ് ചെയ്തതിന് ശേഷവും ഹാള്‍ടിക്കറ്റ് ഡൗണ്‍ലോഡ് ചെയ്യാനാ യിരുന്നില്ലെന്നും പരീക്ഷാ ഭവനിലെ ഒരു ലാന്‍ഡ് ലൈന്‍ നമ്പറിലേക്കും ബന്ധപ്പെടാന്‍ കഴിഞ്ഞിരുന്നില്ലെന്നും നിവേദനത്തില്‍ വ്യക്തമാക്കി.സാധാരണ ഗതിയില്‍ എല്ലാ പരീക്ഷകള്‍ക്കും ഫോട്ടോ ഫോര്‍മാറ്റ് കൃത്യമാണെങ്കില്‍ മാത്രമേ ഫീസ് അടച്ച് അപേ ക്ഷ പൂര്‍ത്തീകരിക്കാന്‍ സാധിക്കുകയുള്ളൂ.ഇപ്രകാരം പരീക്ഷയ്ക്കാ യി തയ്യാറെടുത്ത വിദ്യാര്‍ത്ഥികള്‍ക്ക് ഹാള്‍ടിക്കറ്റ് ഡൗണ്‍ലോഡ് ചെയ്യുന്ന സമയത്ത് ഫോട്ടോ ഫോര്‍മാറ്റ് കൃത്യമല്ലെന്നതിന്റെ കാരണത്താല്‍ ഹാള്‍ ടിക്കറ്റ് ലഭിക്കാതിരുന്നതിനെ തുടര്‍ന്ന്‌ പരീക്ഷയെഴുതാന്‍ കഴിയാതെ പോയവര്‍ക്ക് വീണ്ടും അവസരം നല്‍ കണമെന്നും നിവേദനത്തില്‍ ആവശ്യപ്പെട്ടു.
