കോട്ടോപ്പാടം :ഉപജില്ലാ-ജില്ലാ തല സ്‌കൂള്‍ ഗെയിംസ് മത്സരങ്ങളില്‍ വിജയിച്ച കോട്ടോപ്പാടം കല്ലടി അബ്ദുഹാജി ഹയര്‍ സെക്കന്ററി സ്‌കൂളിലെ വിവിധ ടീമുകളെയും ജില്ലാ,സംസ്ഥാന ടീമുകളില്‍ പ്രാതിനിധ്യം നേടിയ വിദ്യാര്‍ത്ഥികളെയും പി.ടി.എയുടെയും മാനേ ജ്‌മെന്റിന്റെയും നേതൃത്വത്തില്‍ അനുമോദിച്ചു.ഗ്രാമപഞ്ചായത്ത് പ്രസിഡണ്ട് അക്കര ജസീന ഉദ്ഘാടനം ചെയ്തു.പി.ടി.എ പ്രസിഡണ്ട് എ.മുഹമ്മദലി അധ്യക്ഷനായി.പ്രധാനാധ്യാപകന്‍ ശ്രീധരന്‍ പേരേ ഴി,മാനേജര്‍ റഷീദ് കല്ലടി,പരിശീലകരായ ഷിജി ജോര്‍ജ്,കെ.പി. റിയാസ്,പി.ടി.എ ഭാരവാഹികളായ സൈനുദ്ദീന്‍ താളിയില്‍,വി.പി. സലാഹുദ്ദീന്‍,സി.അസീസ്,എം.പി.സാദിഖ്,ഹമീദ് കൊമ്പത്ത്, ബാ ബു ആലായന്‍, എം.പി.ഷംജിത്ത് സംസാരിച്ചു.ഫുട്‌ബോള്‍,സോഫ്റ്റ് ബോള്‍, ബാഡ്മിന്റണ്‍,കുറാഷ്,ജൂഡോ,വെയ്റ്റ് ലിഫ്റ്റിങ്, കരാട്ടേ തുടങ്ങിയ ഇനങ്ങളിലാണ് സ്‌കൂള്‍ ടീം മികവ് പ്രകടിപ്പിച്ചത്.
