പാലക്കാട്:9 മുതല്‍ 12 വരെ എറണാകുളത്ത് നടക്കുന്ന സംസ്ഥാന സ്‌കൂള്‍ ശാസ്‌ത്രോത്സവത്തിന്റെ മുന്നൊരുക്കങ്ങള്‍ക്കായി ജില്ലയെ പ്രതിനിധീകരിക്കുന്ന മത്സരാര്‍ത്ഥികള്‍ക്കായി സെമിനാറും ജില്ലാ സ്‌കൂള്‍ ശാസ്‌ത്രോത്സവത്തില്‍ ഓവറോള്‍ കിരീടം നേടിയ ഉപജി ല്ലകള്‍ക്കുള്ള ട്രോഫി വിതരണവും നടത്തി.കാണിക്കമാതാ കോ ണ്‍വെന്റ് ഇംഗ്ലീഷ് മീഡിയം ഹയര്‍ സെക്കന്ററി സ്‌കൂളില്‍ വിദ്യാ ഭ്യാസ ഉപഡയറക്ടര്‍ പി.വി.മനോജ്കുമാര്‍ ഉദ്ഘാടനം ചെയ്തു.
മണ്ണാര്‍ക്കാട് നടന്ന ജില്ലാ ശാസ്‌ത്രോത്സവത്തില്‍1028 പോയിന്റ് നേടി മണ്ണാര്‍ക്കാട് ഉപജില്ലയാണ് ഒന്നാം സ്ഥാനം നേടിയത്.1025 പോയിന്റോടെ തൃത്താല ഉപജില്ല രണ്ടാം സ്ഥാനം കരസ്ഥമാ ക്കി.വിദ്യാ കിരണം ജില്ലാ കോ-ഓര്‍ഡിനേറ്റര്‍ ടി.ജയപ്രകാശ് അധ്യക്ഷനായി.നോഡല്‍ ഓഫീസര്‍ പി.തങ്കപ്പന്‍, പ്രോഗ്രാം കമ്മിറ്റി കണ്‍വീനര്‍ സിദ്ദീഖ് പാറോക്കോട്, വിവിധ ക്ലബ്ബ് സെക്രട്ടറിമാരായ ആര്‍. ശാന്തകുമാര്‍, കെ.ശശീധരന്‍, എന്‍.വിനോദ്,കെ.ആര്‍. ബിന്ദു, അജിത സംസാരിച്ചു.ജൂനിയര്‍ സൂപ്രണ്ട് സി. കൃഷ്ണന്‍ സ്വാഗതവും പ്രോഗ്രാം കമ്മിറ്റി വൈസ് ചെയര്‍മാന്‍ ഹമീദ് കൊമ്പത്ത് നന്ദിയും പറഞ്ഞു.
