കോട്ടോപ്പാടം: തിരുവിഴാംകുന്ന് അമ്പലപ്പാറയില്‍ കാട്ടുപന്നിയുടെ ആക്രമണത്തില്‍ യുവാവിന് പരിക്കേറ്റു. അമ്പലപ്പാറ സ്വദേശി വട്ട ത്തൊടി അഫ്‌സല്‍ ബാബുവിനാണ് പരിക്കേറ്റത്. ബുധനാഴ്ച്ച പുലര്‍ ച്ചെ നാല് മണിയോടെ തിരുവിഴാംകുന്നിലേക്ക് ടാപ്പിങിനായി ബൈ ക്കില്‍ പോകുന്നതിനിടെ കാപ്പുപറമ്പ് റോഡ് ജംഗ്ഷനു സമീപമാണ് സംഭവം. ഒരു കൂട്ടം പന്നികള്‍ വാഹനത്തിന്റെ മുന്നിലേക്ക് ചാടു കയായിരുന്നു. വെട്ടിച്ച് മാറ്റാന്‍ ശ്രമിക്കുന്നതിനിടെ പന്നികള്‍ ബൈ ക്കില്‍ വന്നിടിച്ച് അഫ്‌സല്‍ ബാബു റോഡില്‍ വീണു. റോഡില്‍ വീണ് കിടക്കെ പന്നികള്‍ വന്ന് അക്രമിച്ചതായി അഫ്‌സല്‍ ബാബു പറഞ്ഞു.കൈപ്പത്തിയില്‍ പൊട്ടലും തോളിലും, കാലിലും മുറിവും ഏറ്റിട്ടുണ്ട്. മണ്ണാര്‍ക്കാട് താലൂക്ക് ആശുപത്രിയില്‍ ചികിത്സ തേടി. ടാപ്പിങ് ചെയ്താണ് ജീവിക്കുന്നതെന്നും അര്‍ഹമായ നഷ്ട പരിഹാരം ലഭ്യമാക്കണമെന്നും അഫ്‌സല്‍ ബാബു ആവശ്യപ്പെട്ടു.
