അലനല്ലൂര്‍: എടത്തനാട്ടുകര മുണ്ടക്കുന്നില്‍ വളര്‍ത്തുനായയെ വന്യ ജീവി കൊന്നു തിന്നതോടെ നാട്ടുകാര്‍ ആശങ്കയില്‍.ചൂരിയോട് തെ ക്കന്‍ മുഹമ്മദാലിയുടെ വളര്‍ത്തുനായയെ ആണ് വന്യജീവി കൊ ന്ന് തിന്നത്.വ്യാഴാഴ്ച രാത്രി 12 മണിയോടെയാണ് സംഭവം.നായയെ വന്യജീവി പിടികൂടി 350 മീറ്ററോളം ദൂരെയുള്ള വാഴത്തോട്ടത്തിലേ ക്ക് കൊണ്ട് പോയി തിന്നുകയായിരുന്നു.പകുതി തിന്നപ്പോഴേക്കും വാഴ തോട്ടത്തില്‍ കാവല്‍ നിന്നവര്‍ ശബ്ദമുണ്ടാക്കിയതിനെ തുടര്‍ന്ന് ജീവി കാട്ടിലേക്ക് ഓടിമറഞ്ഞതായി പ്രദേശവാസികള്‍ പറഞ്ഞു. വനപാലകര്‍ സ്ഥലത്തെത്തി പരിശോധന നടത്തി.
ആറ് മാസം മുമ്പ് പാറാക്കോട്ട് ചാമിയുടെ മേയാന്‍ വിട്ട ആടിനെ കാണാതായിരുന്നു.വന്യജീവിയുടെ സാന്നിദ്ധ്യമുണ്ടായ പശ്ചാ ത്തലത്തില്‍ പ്രദേശത്ത് നിരീക്ഷണ ക്യാമറ സ്ഥാപിച്ച് ഭീതി അക റ്റണമെന്നാണ് നാട്ടുകാരുടെ ആവശ്യം.പ്രദേശത്ത് പട്രോളിംഗ് ആരംഭിച്ചതായി തിരുവിഴാംകുന്ന് ഫോറസ്റ്റ് സ്‌റ്റേഷന്‍ അധികൃതര്‍ അറിയിച്ചു.നിരന്തരം കാട്ടാന,പന്നി,മയില്‍ എന്നിവയുടെ ശല്ല്യം പ്രദേശത്ത് വര്‍ധിച്ച് വരികയാണെന്ന് നാട്ടുകാര്‍ പറയുന്നു.നിലവില്‍ ഈ ഭാഗത്ത് തമ്പടിച്ചിട്ടുള്ള കാട്ടാനക്കൂട്ടത്തെ തുരത്താന്‍ ഇന്നലെ വൈകീട്ട് ദ്രുതകര്‍മ്മ സേനയും എത്തിയിരുന്നു.