കോട്ടോപ്പാടം: കൂമഞ്ചേരിക്കുന്നില്‍ വീട്ടുമുറ്റത്തെ കിണറില്‍ വീണ കാളയെ അഗ്നി രക്ഷാസേന രക്ഷപ്പെടുത്തി. പാറക്കുഴിയില്‍ ജാനുവിന്റെ കാളയാണ് കിണറിലകപ്പെ ട്ടത്. ഇന്ന് വൈകിട്ട് അഞ്ചരയോടെയായിരുന്നു സംഭവം. ഇരുപതടി താഴ്ചയുള്ള കിണറി ല്‍ അഞ്ചടിയോളം വെള്ളമുണ്ടായിരുന്നു. തൊഴുത്തിന് സമീപത്താണ് കിണറുള്ളത്. അബദ്ധത്തില്‍ കാള കിണറില്‍വീഴുകയായിരുന്നു. വിവരമറിയിച്ചപ്രകാരം മണ്ണാര്‍ക്കാ ട് അഗ്നിരക്ഷാനിലയത്തില്‍ നിന്നും സീനിയര്‍ ഫയര്‍ ആന്‍ഡ് റെസ്‌ക്യു ഓഫിസര്‍ എസ്.വിമല്‍കുമാര്‍, സേന അംഗങ്ങളായ കെ.പ്രശാന്ത്, എം. മഹേഷ്, സി. റിജേഷ്, എം.ആര്‍ രാഗില്‍, എം. മിഥുന്‍, കെ. വിഷ്ണു, എന്‍. അനില്‍കുമാര്‍ എന്നിവരെത്തി. നാട്ടുകാരുടെ സഹായത്തോടെയാണ് കാളയെ പുറത്തെടുത്തത്. കാളയ്ക്ക് പരിക്കു കളൊന്നുമില്ല.
