മണ്ണാര്‍ക്കാട്: മണ്ണാര്‍ക്കാട് ആശുപത്രിപ്പടി ഭാഗത്ത് ഷോപ്പിങ് കോംപ്ലക്സില്‍ നിര്‍ത്തിയിട്ട കാര്‍ വേഗത്തില്‍ പിന്നിലേക്കുരുണ്ടത് യാത്രക്കാരെ ഭീതിയിലാക്കി. ഭാഗ്യവശാലാണ് ആളപായമുണ്ടാകാതിരുന്നത്. ദേശീയപാതയ്ക്ക് സമാന്തരമായുള്ള രജിസ്ട്രാര്‍ ഓഫീ സ്-താലൂക്ക് ആശുപത്രി ലിങ്ക് റോഡില്‍ ഇന്ന് ഉച്ചയ്ക്ക് 12.17നാണ് സംഭവം. വാഹന ഉടമ കാര്‍ നിര്‍ത്തിയിട്ട് പുറത്തേക്കിറങ്ങി പോയ സമയത്താണ് കാര്‍ പിന്നിലേക്ക് ഉരുണ്ടത്. റോഡിന്റെ ഇറക്കമുള്ള ഭാഗത്തായതിനാല്‍ കാര്‍ വേഗതയില്‍ വരികയും റോഡിന് മറുവശത്ത് നിര്‍ത്തിയിട്ട ബൈക്കിലിടിക്കുകയും ചെയ്തശേഷം മതിലിലിടിച്ച് നില്‍ക്കു കയായിരുന്നു. ഈസമയം മറ്റൊരു ബൈക്ക് യാത്രികന്‍ റോഡിലൂടെ കടന്നുപോയെ ങ്കിലും അപകടത്തില്‍പ്പെടാതെ തലനാരിഴയ്ക്ക് രക്ഷപ്പെട്ടത് കണ്ടുനിന്നവര്‍ക്കും ആശ്വാസമായി.
