മണ്ണാര്ക്കാട് : സംസ്ഥാനത്ത് റേഷന്കടകള് വഴിയുള്ള മണ്ണെണ്ണ വിതരണത്തിനുള്ള നട പടികള് പൂര്ത്തിയായതായി ഭക്ഷ്യ-പൊതുവിതരണ വകുപ്പ് മന്ത്രി ജി.ആര് അനില് അറിയിച്ചു. ജൂണ് 21 മുതല് വിതരണം ആരംഭിക്കും. എ.എ.വൈ കാര്ഡുകാര്ക്ക് 1 ലി റ്ററും മറ്റുകാര്ഡുകാര്ക്ക് അര ലിറ്റര് വീതവുമാണ് മണ്ണെണ്ണ ലഭിക്കുക. ലിറ്ററിന് 61 രൂപ യാണ് വില. വൈദ്യുതി കണക്ഷന് ഇല്ലാത്ത കാര്ഡുകള്ക്ക് (എന്ഇ കാര്ഡ്) (ഏത് വി ഭാഗമായാലും) 6 ലിറ്റര് മണ്ണെണ്ണ ലഭിക്കും. മണ്ണെണ്ണ മൊത്തവ്യാപാരികളുടെയും റേഷന് വ്യാപാരികളുടെയും സംഘടനാ പ്രതിനിധികളുമായി നടന്ന ചര്ച്ചയില് ഇതുസംബന്ധി ച്ച തീരുമാനങ്ങള് കൈക്കൊണ്ടുവെന്ന് മന്ത്രി അറിയിച്ചു.
ജൂണ് 30ന് അവസാനിക്കുന്ന 2025-26 വര്ഷത്തിന്റെ ആദ്യപാദത്തിലേയ്ക്ക് 5,676 കിലോ ലിറ്റര് മണ്ണെണ്ണയാണ് സംസ്ഥാനത്തിന് അനുവദിച്ചിട്ടുള്ളത്. സംസ്ഥാനത്തിനുള്ള മണ്ണെ ണ്ണ കഴിഞ്ഞ കുറച്ചു വര്ഷങ്ങളായി കേന്ദ്രസര്ക്കാര് കുറവ് ചെയ്തുവരികയായിരുന്നു. മണ്ണെണ്ണ വിഹിതത്തിലെ കുറവ് മൂലം മൊത്തവ്യാപാര ഡിപ്പോകള് പലതും ഒരു വര്ഷ ത്തിലധികമായി പ്രവര്ത്തനരഹിതമായി. 2023-24 ല് ഒരു പാദത്തിലേയ്ക്ക് (3 മാസം) 1944 കിലോ ലിറ്റര് മാത്രമാണ് അനുവദിച്ചത്. 2024-25 ല് 780 കിലോ ലിറ്റര് ആയി ചുരു ക്കി. കടത്തുകൂലിയിലെയും റീട്ടെയില് കമ്മിഷനിലെയും നിരക്ക് കാലാനുസൃതമായി പുതുക്കാത്തതിനാല് മൊത്തവ്യാപാരികളും റേഷന് ഡീലര്മാരും മണ്ണെണ്ണ വിട്ടെടുത്ത് വിതരണം ചെയ്യാന് വിമുഖത കാണിക്കുകയും ചെയ്തിരുന്നു. ഇത് സംസ്ഥാനത്തെ റേഷ ന്കടകള് വഴിയുള്ള മണ്ണെണ്ണ വിതരണത്തില് പ്രയാസങ്ങള് സൃഷ്ടിച്ചിരുന്നു. സംസ്ഥാന സര്ക്കാരിന്റെ നിരന്തരമായ ആവശ്യത്തെ തുടര്ന്നാണ് ഈ വര്ഷത്തെ ആദ്യ പാദത്തി ല് 5,676 കിലോ ലിറ്റര് അനുവദിച്ചിട്ടുള്ളത്.
പൊതുവിതരണ ഉപഭോക്തൃകാര്യ കമ്മീഷണറുടെ ശുപാര്ശ പ്രകാരം സംസ്ഥാനത്തെ പി.ഡി.എസ്. സബ്ലിഡി, നോണ്-സസ്സിഡി മണ്ണെണ്ണ വിട്ടെടുത്ത് വിതരണം ചെയ്യുന്ന മൊ ത്തവ്യാപാരികള്ക്കുള്ള കടത്തുകൂലിയും റേഷന് വ്യാപാരികള്ക്കുള്ള റീട്ടെയില് കമ്മിഷനും വര്ദ്ധിപ്പിച്ച് സര്ക്കാര് ഉത്തരവായിരുന്നു. മൊത്തവ്യാപാരികള്ക്കുള്ള കടത്തുകൂലി ആദ്യത്തെ 40 കിലോമീറ്റര് വരെ കിലോ ലിറ്ററിന് 500 രൂപയും അതിനു ശേഷമുള്ള ഓരോ കിലോമീറ്ററിനും 5 രൂപയും ആയിട്ടാണ് വര്ദ്ധിപ്പിച്ചിട്ടുള്ളത്. ഇത് നിലവില് 238 രൂപയും 3.75 രൂപയുമായിരുന്നു. മണ്ണെണ്ണ ചില്ലറ വിതരണം നടത്തുന്ന റേഷന്വ്യാപാരികള്ക്കുള്ള കമ്മിഷന് ലിറ്ററിന് 3.70 രൂപയില് നിന്നും 6 രൂപയാക്കി ഉയര്ത്തിയിട്ടുണ്ടെന്നും മന്ത്രി അറിയിച്ചു. രണ്ട് വര്ദ്ധനവുകള്ക്കും 2025 ജൂണ് 1 മുതല് പ്രാബല്യം ഉണ്ടായിരിക്കുന്നതാണ്.
About the Author
