അഗളി : കേരളത്തിലെ സമകാലിക ഗോത്രകവിതകളുടെ ഊര്‍ജ്ജസ്വലമുഖങ്ങ ളിലൊന്നായ മണികണ്ഠന്‍ അട്ടപ്പാടിയുടെ കേരള സാഹിത്യ അക്കാദമി പ്രസിദ്ധീകരിച്ച കവിതസമാഹാരമായ മല്ലീസ്പറ മുടിയുടെ പ്രകാശനം ആഗസ്റ്റ് 15ന് നടത്തുന്നതിനുള്ള സംഘാടകസമിതി രൂപീകരിച്ചു. എ.പരമേശ്വരന്‍ ചെയര്‍മാനായും എസ്.എസ്.കാളി സ്വാമി കണ്‍വീറുമായി അമ്പതംഗ സംഘാടക സമിതിയാണ് രൂപീകരിച്ചത്. കവികളാ യ പി.രാമന്‍, കണിമോള്‍, ഗായിക നഞ്ചിയമ്മ, എഴുത്തുകാരന്‍ സുകുമാരന്‍ ചാലിഗദ്ദ, ബ്ലോക്ക് – ഗ്രാമ പഞ്ചായത്ത് പ്രസിഡന്റുമാര്‍, ബഡ്ഡിംങ് റൈറ്റേഴ്‌സില്‍ പങ്കെടുത്ത കുട്ടികള്‍ എന്നിവര്‍ പങ്കെടുപ്പിക്കാനും അട്ടപ്പാടിയിലെ എഴുത്തുകാരെ ആദരിക്കാനും തീരുമാനിച്ചു. അഗളി ഗ്രാമ പഞ്ചായത്ത് അംഗം എ.പരമേശ്വരന്‍ ഉദ്ഘാടനം ചെയ്തു. ബി.ആര്‍.സി. കോര്‍ഡിനേറ്റര്‍ കെ.ടി.ഭക്തഗിരീഷ് അധ്യക്ഷനായി. ഷോളയൂര്‍ ഗ്രാമ പഞ്ചായത്ത് അംഗം രാധാകൃഷ്ണന്‍, പുരോഗമന കലാസാഹിത്യ സംഘം കെ.ജി.സുനില്‍, മണ്ണാര്‍ക്കാട് താലൂക്ക് ലൈബ്രറി കൗണ്‍സില്‍ അംഗം എസ്.എസ്.കാളിസ്വാമി, കാരറ യു.പി.സ്‌കൂള്‍ പ്രധാന അധ്യാപിക സിന്ധു സാജന്‍, എഴുത്തുകാരന്‍ എം.കൃഷ്ണദാസ്‌ വിദ്യാരംഗം എക്‌സിക്യുട്ടിവ് അംഗം കെ.ശക്തിവേല്‍, വി.ഒ.കുമാരന്‍, സി.രേസി, ടി.അനസ്വരത്ത്, സ്വാതി.എസ്.നായര്‍, എഫ്.എം.നസീമ തുടങ്ങിയവര്‍ പങ്കെടുത്തു.
