മണ്ണാര്‍ക്കാട്: വാഹനപരിശോധനയ്ക്കിടെ കുന്തിപ്പുഴഭാഗത്തുനിന്നും 73 ചാക്ക് നിരോ ധിത പുകയില ഉത്പന്നം പൊലിസ് പിടികൂടി. സംഭവത്തില്‍ രണ്ടുപേരെ അറസ്റ്റു ചെയ്തു. കാഞ്ഞിരം പൊറ്റശ്ശേരി മേലേതില്‍ റഷീദ് (40), പൊറ്റശ്ശേരി കോടല സുലൈമാന്‍ (46) എന്നിവരാണ് അറസ്റ്റിലായത്. ഞായറാഴ്ച രാത്രിയാണ് സംഭവം. ജില്ലാ പൊലിസ് മേധാ വിയ്ക്ക് ലഭിച്ച രഹസ്യ വിവര ത്തിന്റെ അടിസ്ഥാനത്തില്‍ മണ്ണാര്‍ക്കാട് ഡി വൈ.എസ്.പി. ടി.എസ്. സിനോജിന്റെ നിര്‍ദേശപ്രകാരം മണ്ണാര്‍ക്കാട് ഇന്സ്പെക്ടര് ഇ.ആര്‍. ബൈജുവിന്റെ നേതൃത്വത്തിലുള്ള അന്വേഷണ സംഘവും ജില്ലാ ലഹരിവി രുദ്ധ സ്‌ക്വാഡംഗങ്ങളുമാണ് പ്രതികളെ പിടികൂടിയത്.
കുന്തിപ്പുഴ ഭാഗത്തുനിന്നും മണ്ണാര്‍ക്കാട്ടേക്ക് നേന്ത്രക്കായ കയറ്റിവരികയായിരുന്ന മിനിലോറിയില്‍നിന്നാണ് ലോഡുകള്‍ക്കടിയില്‍ ഒളിപ്പിച്ചനിലയില്‍ നിരോധിത പുകയില ഉത്പന്നങ്ങള്‍ കണ്ടെത്തിയത്.സബ് ഇന്സ്പെക്ടര് ടി.വി. ഋഷിപ്രസാദ്, എ.എസ്.ഐ. ശാന്തകുമാരി, സീനിയര്‍ സിവില്‍ പൊലിസ് ഓഫീസര്‍ ജോഷി, സിവില്‍ പൊലിസ് ഓഫീസര്‍ ഉമറുള്‍ ഫാറൂഖ്, ലഹരിവിരുദ്ധസ്‌കാഡംഗങ്ങളായ സബ് ഇന്സ്പെക്ടര് സലാം, സീനിയര്‍ സിവില്‍ പൊലിസ് ഓഫീസര്‍ ഷാഫി, ഷെഫീക്ക്, ബിജു മോന്‍, സുഭാഷ് എന്നിവരും അന്വേഷണ സംഘത്തിലുണ്ടായിരുന്നു.
