മണ്ണാര്‍ക്കാട്: കാട്ടുപന്നിയിടിച്ച് സ്‌കൂട്ടര്‍ മറിഞ്ഞ് ഭിന്നശേഷിക്കാരനായ യുവാവിന് പരിക്കേറ്റു. പൊമ്പ്ര കാരക്കാട് പുളിഞ്ചോണി വീട്ടില്‍ മൊയ്തുവിന്റെ മകന്‍ ഇബ്രാഹിം (45)നാണ് പരിക്കേറ്റത്. തിങ്കളാഴ്ച രാത്രി 10ന് ചങ്ങലീരി -പൊമ്പ്ര റോഡിലെ പള്ളിപ്പടിയി ല്‍വച്ചാണ് സംഭവം. മണ്ണാര്‍ക്കാട് ആശുപത്രിപ്പടി ജങ്ഷനില്‍ ഇന്റര്‍നെറ്റ് കഫേ നടത്തി വരികയാണ് ഇബ്രാഹിം. പതിവുപോലെ രാത്രി കടയടച്ച് തന്‍െ മുച്ചക്രവാഹനത്തില്‍ വീട്ടിലേക്കുപോകുന്നതിനിടെ പള്ളിപ്പടി ഭാഗത്തുവച്ച് കാട്ടുപന്നി റോഡിന് കുറുകെ ഓടുകയും മുച്ചക്രവാഹനത്തില്‍ ഇടിക്കുകയുമായിരുന്നു. സ്വാധീനക്കുറവുള്ള വലതു കാലിന്റെ തുടയെല്ലിന് പൊട്ടലും ശരീരത്തില്‍ മുറിവുകളുമുണ്ടായി. ഇയാളെ നാട്ടുകാ ര്‍ ചേര്‍ന്ന് വട്ടമ്പലം മദര്‍കെയര്‍ ആശുപത്രിയില്‍ പ്രവേശിപ്പിച്ചു.
