മണ്ണാര്‍ക്കാട് : കാഞ്ഞിരപ്പുഴ കല്ലാംകുഴിയില്‍ അക്കിയാംപാടത്ത് റബ്ബര്‍പുകപുരയ്ക്ക് തീപിടിച്ച് വന്‍നാശനഷ്ടം. 2,70,000രൂപയുടെ റബ്ബര്‍ഷീറ്റുകള്‍ കത്തിനശിച്ചു. കോണ്‍ക്രീറ്റ് കൊണ്ടുള്ള കെട്ടിടത്തിനും കേടുപാടുകള്‍ സംഭവിച്ചു. ഇന്നലെ വൈകിട്ട് 5.15ഓടെ യാണ് തൃക്കള്ളൂര്‍ അക്കിമ്പാടം കമ്മളം കുന്നില്‍ ഷഹലത്തിന്റെ ഉടമസ്ഥതയിലുള്ള
പുകപുരയ്ക്ക് തീപിടിച്ചത്. ഒഴിഞ്ഞ സ്ഥലത്താണ് പുകപ്പുര സ്ഥിതി ചെയ്തിരുന്നത്. അത് കൊണ്ട് തന്നെ തീപിടിക്കുന്നത് ശ്രദ്ധയില്‍പ്പെട്ടില്ല. വഴിയാത്രക്കാര്‍ വിവരം അറിയിച്ച തു പ്രകാരമാണ് അഗ്നിരക്ഷാസേന സ്ഥലത്തെത്തിയത്. ഒന്നരമണിക്കൂറോളം പരിശ്രമി ച്ചാണ് സേന തീകെടുത്തിയത്. മൂവായിരം ലിറ്റര്‍ വെള്ളം തീയണയ്ക്കുന്നതിന് ഉപയോ ഗിക്കേണ്ടതായി വന്നു. സേനയുടെ സമയോചിതമായ ഇടപെടലിലൂടെ 300000 രൂപ വില മതിക്കുന്ന റബ്ബര്‍ഷീറ്റുകളിലേക്ക് തീപടരാതെ സുരക്ഷിതമാക്കാനും സാധിച്ചു. സീനി യര്‍ ഫയര്‍ ആന്‍ഡ് റെസ്‌ക്യു ഓഫിസര്‍ കെ.സജിത്ത് മോന്‍, ഫയര്‍ ആന്‍ഡ് റെസ്‌ക്യു ഓഫിസര്‍മാരായ ആര്‍.രാഹുല്‍, എം.ആര്‍.രാഗില്‍, എം.രമേഷ്, വി.സുരേഷ്‌കുമാര്‍ എന്നിവര്‍ ചേര്‍ന്നാണ് തീയണച്ചത്.
