കോട്ടോപ്പാടം: ഗ്രാമപഞ്ചായത്ത് വാര്‍ഷിക പദ്ധതിയിലുള്‍പ്പെടുത്തി പട്ടികജാതി വിദ്യാര്‍ഥികള്‍ക്ക് പഠനോപകരണ വിതരണം നടത്തി. ഗ്രാമ പഞ്ചായത്ത് പ്രസിഡന്റ് അക്കര ജസീന ഉദ്ഘാടനം ചെയ്തു. വൈസ് പ്രസിഡന്റ് ശശികുമാര്‍ അധ്യക്ഷനായി. സ്ഥിരം സമിതി അധ്യക്ഷരായ പാറയില്‍ മുഹമ്മദാലി, റഫീന മുത്തനില്‍, റജീന കോഴിശ്ശേരി, ബ്ലോക്ക് പഞ്ചായത്ത് അംഗം പടുവില്‍ കുഞ്ഞിമുഹമ്മദ്, ഗ്രാമ പഞ്ചായത്ത് അംഗങ്ങളായ റുബീന ചോലക്കല്‍, പി.സരോജിനി, റഷീദ പുളിക്കല്‍, അസിസ്റ്റന്റ് സെക്രട്ടറി വി.യു.അബു സമീം, ആസൂത്രണസമിതി അംഗം ടി.സൈനുദ്ദീന്‍ എന്നിവര്‍ പങ്കെടുത്തു.
