നാട്ടുകല്‍: പോക്‌സോ കേസില്‍ ഒളിവിലായിരുന്ന യുവാവിനെ നാട്ടുകല്‍ പൊലിസ് അറസ്റ്റു ചെയ്തു. താഴേക്കോട് അയ്യര്‍മഠത്തില്‍ സുസ്മിത് (27) ആണ് പിടിയിലായത്. ദീര്‍ ഘനാളായി ഒളിവില്‍ കഴിഞ്ഞിരുന്ന ഇയാളെ കോഴിക്കോട് മാവൂര്‍ റോഡിലുള്ള ഒരു ഹോട്ടലില്‍ നിന്നാണ് പിടികൂടിയത്. മണ്ണാര്‍ക്കാട് ഡിവൈഎസ്പി ടിഎസ്.ഷിനോജ് രൂപീ കരിച്ച് പ്രത്യേക അന്വേഷണ സ്‌ക്വാഡിലെ നാട്ടുകല്‍ ഇന്‍സ്‌പെക്ടര്‍ ബഷീര്‍ ചിറക്കല്‍, എസ്.ഐ. സദാശിവന്‍, എ.എസ്.ഐ. ഓമന, സീനിയര്‍ സിവില്‍ പൊലിസ് ഓഫിസര്‍ രാജീവ്, സാജിദ്, റംഷാദ് എന്നിവര്‍ ചേര്‍ന്നാണ് അറസ്റ്റ് ചെയ്തത്. മണ്ണാര്‍ക്കാട് കോടതി യില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
