അലനല്ലൂര്‍: ഭീമനാട് പുളിങ്കുന്ന് മാരിയമ്മന്‍ കോവില്‍ പൂജാ മഹോത്സവം ഫെബ്രുവരി 11,12,13 തിയതികളിലായി ആഘോഷിക്കും. 11ന് ഞായറാഴ്ച വൈകിട്ട് 6.30ന് ദീപാരാധന, ഏഴിന് നിവേദ്യപൂജ, എട്ടിന് നൃത്തനൃത്ത്യങ്ങള്‍ എന്നിവയുണ്ടാകും. തിങ്കളാഴ്ച വൈകിട്ട് 6.30ന് ദീപാരാധന, ഏഴിന് അമൃത ടിവി, ഫ്‌ളവേഴ്‌സ് ടിവി ഫെയിം വിഷ്ണു അലനല്ലൂര്‍ നയിക്കുന്ന കരോക്കെ ഗാനമേള അരങ്ങേറും.ചൊവ്വാഴ്ച രാവിലെ ഗണപതിഹോമം, പീഠംമുക്കല്‍, നിവേദ്യപൂജ, കൊട്ടിയറിയിക്കല്‍, പറയെടുപ്പ്, ഉച്ചയ്ക്ക് ഉച്ചപുജ തുടര്‍ന്ന് അന്നദാനം തായമ്പക എന്നിവ നടക്കും. വൈകിട്ട് മൂന്നിന് ഗജവീരന്റേയും നാസിക്‌ ഡോള്‍, ചെണ്ടമേളം, ഡിജെ എന്നിവയുടെ അകമ്പടിയോടെ ഭീമനാട് ലങ്കേത്ത് അയ്യപ്പ ക്ഷേത്ര പരിസരത്തേക്ക് എഴുന്നെള്ളിപ്പുണ്ടാകും. വൈകിട്ട് ഏഴരയോടെ എഴുന്നെള്ളി പ്പ് കോവിലില്‍ എത്തും. തുടര്‍ന്ന് രാത്രി ഒമ്പതിന് എടത്തനാട്ടുകര സുന്ദരന്‍ പണിക്കര്‍, തെങ്കര കൃഷ്ണന്‍ എന്നിവരുടെ നേതൃത്വത്തില്‍ ഡബിള്‍ തായമ്പകയും അരങ്ങേറും. 11.30 ന് കുംഭം നിറക്കല്‍ പൂജ, ഉടുക്കടിപ്പാട്ട് എന്നിവയും നടക്കുമെന്ന് ആഘോഷ കമ്മിറ്റി പ്രസിഡന്റ് അജോ, സെക്രട്ടറി സജീവ്, ട്രഷറര്‍ നാരായണന്‍ എന്നിവര്‍ അറിയിച്ചു.
