മണ്ണാര്‍ക്കാട്: മൈലാമ്പാടം എടേരം ഭാഗത്ത് വാഹനത്തിലെ ഓയില്‍ റോഡില്‍വീണ് പരന്നത് അഗ്‌നിരക്ഷാസേന നീക്കംചെയ്ത് അപകടഭീഷണി ഒഴിവാക്കി. ഇന്ന് വൈകു ന്നേരം 4.45നാണ് സംഭവം. ഇരുചക്ര വാഹനങ്ങള്‍ തെന്നിവിഴുകയും യാത്രക്കാര്‍ക്ക് നിസാര പരിക്കേല്‍ക്കുകയുംചെയ്തു. ഇവര്‍ നല്‍കിയ വിവരത്തെ തുടര്‍ന്ന് സീനിയര്‍ ഫയര്‍ ആന്‍ഡ് റെസ്‌ക്യൂ ഓഫീസര്‍ എം. സജിത്ത് മോന്റെ നേതൃത്വത്തില്‍ ഫയര്‍ ആന്‍ഡ് റെസ്‌ക്യൂ ഓഫീസര്‍മാരായ സുരേഷ് കുമാര്‍, റിജേഷ്, ഒ.എസ്. സുഭാഷ് , രാഗി ല്‍ എന്നിവര്‍ ചേര്‍ന്ന് റോഡില്‍ ഉണ്ടായിരുന്ന ഓയില്‍ വെള്ളം ഉപയോഗിച്ച് നീക്കം ചെയ്യുകയായിരുന്നു.
