മണ്ണാര്‍ക്കാട്: നൂറാം വാര്‍ഷിക ആഘോഷങ്ങളുടെ ഭാഗമായി ചങ്ങലീരി എ.യു.പി സ്കൂളില്‍ അധ്യാപക ദിനത്തില്‍ ഗുരുവന്ദനം നടത്തി. സ്കൂളില്‍ നിന്നും പിരിഞ്ഞു പോയ പൂര്‍വ്വ കാല അധ്യാപകരെ ആദരിച്ചു. മണ്ണാര്‍ക്കാട് എ.ഇ.ഒ അബൂബക്കര്‍ ഉദ്ഘാടനം ചെയ്തു. സ്കൂള്‍ മാനേജര്‍ സിസ്റ്റര്‍ ജനറ്റ് അധ്യക്ഷയായി. സംസ്ഥാന അധ്യാപക അവാര്‍ഡ് നേടിയ കെ.കെ വിനോദ്കുമാര്‍ മാസ്റ്റര്‍ മുഖ്യപ്രഭാഷണം നടത്തി. ഒ.എസ്.എ പ്രസിഡന്‍റ് അസീസ് കരുണാകുര്‍ശ്ശി, ഭാഗ്യലക്ഷ്മിടീച്ചര്‍, ഹുസൈന്‍ കോളശ്ശേരി സംസാരിച്ചു. പ്രധാനാധ്യാപകന്‍ കെ.കെ രാമചന്ദ്രന്‍ സ്വാഗതവും സ്റ്റാഫ് സെക്രട്ടറി ജയലക്ഷ്മി നന്ദി യും പറഞ്ഞു.
