മണ്ണാര്‍ക്കാട് :ദേശീയ അധ്യാപക ദിനത്തില്‍ പയ്യനടം ജി.എല്‍.പി.സ്‌കൂളില്‍ ഗുരുവന്ദ നവും പുരസ്‌കാര സമര്‍പ്പണവും സംഘടിപ്പിച്ചു. ഇതിന്റെ ഭാഗമായി നിലവില്‍ വിദ്യാ ലയത്തില്‍ സേവനം ചെയ്യുന്ന മുഴുവന്‍ അധ്യാപകരെയും അക്കാദമിക് എക്‌സലന്‍സ് അവാര്‍ഡ് നല്‍കി. അനധ്യാപകര്‍ക്ക് വിദ്യാലയമിത്ര പുരസ്‌കാരം നല്‍കി.പൂര്‍വ്വകാല അധ്യാപകരെ അവരുടെ വീടുകളില്‍ ചെന്ന് ഗുരുവന്ദനം നല്‍കിയും ആദരിച്ചു. ഗുരു വന്ദനം സംസ്ഥാന അധ്യാപക അവാര്‍ഡ് ജേതാവ് എം. ചന്ദ്രദാസന്‍ മാസ്റ്റര്‍ ഉദ്ഘാടനം ചെയ്തു. പി.ടി.എ.വൈസ് പ്രസിഡന്റ് മനോജ് അധ്യക്ഷനായി.വൈസ് പ്രസിഡന്റ് വിലാ സിനി പയ്യനടം, അധ്യാപകരായ എമിലി ജോസ്, എം.പത്മിനി. സൈമണ്‍ മാസ്റ്റര്‍,പി. എ. കദീജ ബീവി, പി.ഡി.സരള ദേവി,വി. പി. ഹംസക്കുട്ടി, എം. ലത, സ്‌കൂള്‍ പ്രധാനമന്ത്രി ഫാത്തിമ റിസ. എം., ഉപ പ്രധാനമന്ത്രി അഫ്‌നാന്‍.വി, സ്പീക്കര്‍ വേദ കൃഷ്ണ എന്നിവര്‍ സംസാരിച്ചു.സ്‌കൂള്‍ പ്രധാന അധ്യാപകന്‍ എം എന്‍ കൃഷ്ണകുമാര്‍ സ്വാഗതവും അധ്യാ പിക നിത്യ നന്ദിയും പറഞ്ഞു.
