മണ്ണാര്‍ക്കാട് : ഇന്ത്യയുടെ സ്വാതന്ത്ര്യവും മതനിരപേക്ഷതയും ജനാധിപത്യവും സംര ക്ഷിക്കണമെന്നാവശ്യപ്പെട്ട് സി.ഐ.ടി.യു, കെ.എസ്.കെ.ടി.യു, എ.ഐ.കെ.എസ് സമര സമിതി മണ്ണാര്‍ക്കാട് മുനിസിപ്പല്‍ കമ്മിറ്റി ഫ്രീഡം വിജില്‍ സംഘടിപ്പിച്ചു. സി.ഐ.ടി. യു സംസ്ഥാന വൈസ് പ്രസിഡന്റ് പി.കെ.ശശി ഉദ്ഘാടനം ചെയ്തു. കര്‍ഷകസംഘം വില്ലേജ് സെക്രട്ടറി കെ.കൃഷ്ണകുമാര്‍ അധ്യക്ഷനായി. വിവിധ യൂണിയന്‍ നേതാക്കളായ ശോഭന്‍ കുമാര്‍ ,കെ പി ജയരാജ് ,അജീഷ് മാസ്റ്റര്‍ ,സൗദാമിനി , വ്യാസന്‍ , മോഹനന്‍ മാസ്റ്റര്‍,അഡ്വക്കേറ്റ് സുരേഷ് കുമാര്‍ എന്നിവര്‍ സംസാരിച്ചു. സിഐടിയു ജില്ലാ അംഗം ഹക്കീം മണ്ണാര്‍ക്കാട് സ്വാഗതവും കെ.എസ്.കെ.ടി.യു വില്ലേജ് സെക്രട്ടറി പി.കെ ഉമ്മര്‍ നന്ദിയും പറഞ്ഞു.
