കോട്ടോപ്പാടം: ആസാദി കാ അമൃത് മഹോത്സാവത്തിന്റെ ഭാഗമായി നടക്കുന്ന മേരി മാട്ടി മേരാ ദേശ് , എന്റെ മണ്ണ് എന്റെ രാജ്യം എന്ന പരിപാടി കോട്ടോപ്പാടം ഗ്രാമ പഞ്ചാ യത്തില്‍ സംഘടിപ്പിച്ചു. ഗ്രാമ പഞ്ചായത്തില്‍ രാജ്യത്തിന് വേണ്ടി ജീവിതം സമര്‍പ്പിച്ച സ്വാതന്ത്ര്യ സമര പോരാളികളുടെയും രാജ്യ സുരക്ഷക്കുവേണ്ടി ജീവിതത്യാഗം ചെയ്ത വരുടെയും ഓര്‍മക്കായി 75 ഇനം വൃക്ഷത്തൈകള്‍ ഗ്രാമ പഞ്ചായത്ത് പ്രദേശത്തെ വിവിധ സ്ഥലങ്ങളില്‍ നട്ടു. സ്വാതന്ത്ര്യ സമരസേനാനികളുടെ കുടുംബാംഗങ്ങള്‍, സുത്യര്‍ഹ്യമായ രീതിയില്‍ പ്രവര്‍ത്തിച്ച സൈനിക അര്‍ദ്ധ സൈനിക സേനാഗംങ്ങള്‍ എന്നിവരെ ആദരിക്കുകയും ചെയ്തു. ഗ്രാമപഞ്ചായത്ത് പ്രസിഡന്റ് അക്കര ജസീന ഉദ്ഘാടനം ചെയ്തു. വൈസ് പ്രസിഡന്റ് ശശികുമാര്‍ ഭീമനാട് അധ്യക്ഷനായി. മുന്‍ പഞ്ചായത്ത് പ്രസിഡന്റ് കല്ലടി അബൂബക്കര്‍, ക്ഷേമകാര്യ സ്ഥിരം സമിതി അധ്യക്ഷന്‍ പാറയില്‍ മുഹമ്മദാലി, ജനപ്രതിനിധികളായ ഒ.ആയിഷ, നിജോ വര്‍ഗീസ്, സി.കെ. സുബൈര്‍, കെ. വിനീത, എന്‍.അബൂബക്കര്‍, നസീമ ഐനെല്ലി, പി.സരോജിനി, പഞ്ചാ യത്ത് തല ഉദ്യോഗസ്ഥര്‍, സാമൂഹ്യ പ്രവര്‍ത്തകര്‍, തൊഴിലുറപ്പു കുടുംബശ്രീ പ്രവര്‍ത്ത കര്‍ തുടങ്ങിയവര്‍ പങ്കെടുത്തു.
