കോട്ടോപ്പാടം : ലോകമുലയൂട്ടല്‍ വാരാചരണത്തോടനുബന്ധിച്ച് കോട്ടോപ്പാടം ഗ്രാമ പഞ്ചായത്ത്, മണ്ണാര്‍ക്കാട് ഐ.സി.ഡി.എസ് പ്രൊജക്ട്, ആരോഗ്യവകുപ്പ് എന്നിവര്‍ സംയു ക്തമായി പ്രചരണറാലി, ബോധവല്‍ക്കരണ ക്ലാസുകള്‍, ഭക്ഷ്യമേള തുടങ്ങിയവ സംഘ ടിപ്പിച്ചു. ഗ്രാമ പഞ്ചായത്ത് പ്രസിഡന്റ് അക്കര ജസീന ഉദ്ഘാടനം ചെയ്തു. ക്ഷേമകാര്യ സ്ഥിരം സമിതി അധ്യക്ഷന്‍ പാറയില്‍ മുഹമ്മദാലി അധ്യക്ഷനായി. വികസന സ്ഥിരം സമിതി അധ്യക്ഷ റഫീന മുത്തനില്‍ മുഖ്യപ്രഭാഷണം നടത്തി. സി.ഡി.പി.ഒ സി.വി. ഓമന, ജെ.എച്ച്.ഐ പി.വിനോദ് കുമാര്‍, എം.എല്‍.എസ്.പി നഴ്‌സ് പി.പ്രീതിക എന്നിവര്‍ ക്ലാസെടുത്തു. ഗ്രാമ പഞ്ചായത്ത് മെമ്പര്‍ അബൂബക്കര്‍ നാലകത്ത്, സെക്രട്ടറി എസ് ബിന്ദു, ഐ.സി.ഡി.എസ് സൂപ്പര്‍വൈസര്‍ കെ.രാധിക, പി.സൈനബ എന്നിവര്‍ സംസാ രിച്ചു.
