മണ്ണാര്‍ക്കാട്: എം.ഇ.എസ് ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ് യൂനിറ്റിന്റെ നേതൃത്വത്തില്‍ പെരിന്തല്‍മണ്ണ ഗവ. ഐ.എം.എ ബ്ലഡ് സെന്റര്‍, സേവ് മണ്ണാര്‍ക്കാട്, ബി.ഡി.കെ എന്നിവയുടെ സഹകരണത്തോടെ രക്തദാന ക്യാംപ് നടത്തി. ജീവദ്യുതി എന്ന പദ്ധതിയുടെ ഭാഗമായി എം.ഇ.എസ് ഹയര്‍ സെക്കന്‍ഡറി സ്‌കൂളില്‍ നടന്ന ക്യാം പില്‍ നിരവധിപേര്‍ രക്തം ദാനം ചെയ്തു. പദ്ധതി മണ്ണാര്‍ക്കാട് ക്ലസ്റ്റര്‍തല ഉദ്ഘാടനം സ്‌ കൂള്‍ സെക്രട്ടറി കെ.പി.അക്ബര്‍ നിര്‍വ്വഹിച്ചു. പ്രിന്‍സിപ്പാള്‍ എ.ഹബീബ് അധ്യക്ഷനാ യി. എന്‍.എസ്.എസ് ക്ലസ്റ്റര്‍ കണ്‍വീനര്‍ കെ.എച്ച് ഫഹദ്, പ്രോഗ്രാം ഓഫിസര്‍ ഇ.യൂസഫ ലി, സി.ദീപ, പി.സി.എം.ഹബീബ്, ടി.അബ്ദുറസാഖ്, അസ്ലം അച്ചു തുടങ്ങിയവര്‍ നേതൃ ത്വം നല്‍കി. ജീവദ്യുതി പദ്ധതിയുടെ ഭാഗമായി ക്ലസ്റ്ററിലെ പന്ത്രണ്ട് യൂനിറ്റുകളില്‍ രക്തദാന ക്യാംപുകള്‍ സംഘടിപ്പിക്കുമെന്ന് ഭാരവാഹികള്‍ അറിയിച്ചു.
