കോട്ടോപ്പാടം : വിദ്യാലയ ശുചിത്വം സാമൂഹിക ആരോഗ്യം എന്ന സന്ദേശവുമായി കോട്ടോപ്പാടം കല്ലടി അബ്ദുഹാജി ഹയര്‍ സെക്കന്‍ഡറി സ്‌കൂള്‍ എന്‍.എസ്.എസ് യൂണിറ്റിന്റെ നേതൃത്വത്തില്‍ ക്ലീന്‍ കാംപസ് ഗ്രീന്‍ കാംപസ് പദ്ധതിക്ക് തുടക്കമായി. ഗ്രാമപഞ്ചായത്തംഗം കെ.ടി.അബ്ദുള്ളയില്‍ നിന്നും ജൈവ- അജൈവ മാലിന്യങ്ങള്‍ പ്രത്യേകം തരംതിരിച്ച് ശേഖരിക്കുന്നതിനുള്ള വേസ്റ്റ് ബിന്നുകള്‍ ഏറ്റുവാങ്ങി പി.ടി.എ പ്രസിഡന്റ് അക്കര മുഹമ്മദലി പദ്ധതി ഉദ്ഘാടനം ചെയ്തു. പ്രിന്‍സിപ്പാള്‍ എം.പി.സാദി ഖ് അധ്യക്ഷനായി. എന്‍.എസ്.എസ് പ്രോഗ്രാം ഓഫീസര്‍ എന്‍.ഹബീബ് റഹ്മാന്‍,ഹമീദ് കൊമ്പത്ത്, ബാബു ആലായന്‍, എന്‍.എസ്.എസ് വോളന്റിയര്‍ ലീഡര്‍ ഷംനാദ്,എം.പി. അയ്യപ്പദാസന്‍,പി.ജംഷീര്‍ തുടങ്ങിയവര്‍ സംസാരിച്ചു.
