കോട്ടോപ്പാടം: ഗ്രാമ പഞ്ചായത്തും ഗവ.ഹോമിയോ ഡിസ്പന്‍സറിയും സംയുക്തമായി പകര്‍ച്ചപ്പനി പ്രതിരോധ പ്രവര്‍ത്തനത്തിന്റെ ഭാഗമായി ആര്യമ്പാവ് ഗവ.എല്‍.പി സ്‌കൂ ളില്‍ വെച്ച് ഹോമിയോ മെഡിക്കല്‍ ക്യാമ്പ് സംഘടിപ്പിച്ചു. ഗ്രാമ പഞ്ചായത്ത് പ്രസിഡ ന്റ് അക്കര ജസീന ഉദ്ഘാടനം ചെയ്തു. ക്ഷേമകാര്യ ചെയര്‍മാന്‍ പാറയില്‍ മുഹമ്മദാലി അധ്യക്ഷനായി. ഹോമിയോപ്പതിയില്‍ പകര്‍ച്ചപ്പനി പ്രതിരോധം എന്ന വിഷയത്തെ സംബന്ധിച്ച് മെഡിക്കല്‍ ഓഫീസര്‍ ഡോ.ശ്രീരാജ് ആര്‍ ബോധവല്‍കരണ ക്ലാസ്സ് നടത്തി. മെമ്പര്‍ റുബീന ചോലക്കല്‍ മുന്‍ മെമ്പര്‍ പി.മൊയ്തീന്‍ എന്‍.പി ഹമീദ്, കെ.ജി ബാബു തുടങ്ങിയവര്‍ പങ്കെടുത്തു.
