മണ്ണാര്‍ക്കാട്: കുമരംപുത്തൂര്‍ കല്ലടി ഹൈസ്‌കൂളില്‍ വിദ്യാരംഗം കലാസാഹിത്യ വേദിയുടെ ആഭിമുഖ്യത്തില്‍ യു.പി സ്‌കൂള്‍ വിദ്യാര്‍ഥികള്‍ക്കായി അക്ഷരവാണി സാഹിത്യ ക്വിസ് സംഘടിപ്പിച്ചു. കെ.പി.എസ് പയ്യനടം പരിപാടി ഉദ്ഘാടനം ചെയ്തു. ജി.വി.എച്ച്.എസ്.എസ്. അലനല്ലൂര്‍ ഒന്നാം സ്ഥാനവും ജി.യു.പി എസ് ഭീമനാട് രണ്ടാം സ്ഥാനവും സി.പി.എ.യു.പി.എസ് തിരുവിഴാംകുന്ന് മൂന്നാം സ്ഥാനവും കരസ്ഥമാക്കി. ഹരിദാസന്‍ ക്വിസിന് നേതൃത്വം നല്‍കി. പി.ടി.എ പ്രസിഡന്റ് കെ. ഹരിദാസ് അധ്യക്ഷനായി. മാനേജര്‍ കെ.സി.കെ സെയ്താലി, പ്രധാനാധ്യാപിക ഷാജിനി, മനോജ് നവായത്ത്, കെ.പി ശശികുമാര്‍, ജാഫര്‍ ബാബു.പി.കെ, അനൂപ് .ടി.ആര്‍ തുടങ്ങിയവര്‍ സംബന്ധിച്ചു.
