അഗളി: അട്ടപ്പാടിയില്‍ എക്‌സൈസ് നടത്തിയ പരിശോധനയില്‍ പാല്‍വണ്ടിയില്‍ കട ത്തുകയായിരുന്ന വിദേശമദ്യവും വാടക വീട്ടില്‍ സൂക്ഷിച്ചിരുന്ന അന്യസംസ്ഥാന മദ്യ വും കണ്ടെടുത്തു. മണ്ണാര്‍ക്കാട് നിന്നും പാല്‍ കയറ്റി വന്ന ഓട്ടോറിക്ഷയില്‍ രഹസ്യ അറയുണ്ടാക്കി ഒളിപ്പിച്ച് കടത്തിയ 11 ലിറ്റര്‍ വിദേശമദ്യമാണ് പിടികൂടിയത്. സംഭവ ത്തില്‍ മണ്ണാര്‍ക്കാട് സ്വദേശി രാജേഷി (34)നെ അറസ്റ്റ് ചെയ്തു. ഓട്ടോറിക്ഷ കസ്റ്റഡിയി ലെടുത്തു. നരസിമുക്ക് ജംഗ്ഷനിലെ വാടകയ്ക്ക് നല്‍കിയ വീട്ടില്‍ നിന്നാണ് അന്യ സംസ്ഥാന മദ്യം പിടിച്ചെടുത്തത്. മലപ്പുറം ഭാഗത്ത് നിന്നും കൊണ്ട് വന്ന് അട്ടപ്പാടിയു ടെ വിവിധ ഭാഗങ്ങളില്‍ വിതരണത്തിനായി സൂക്ഷിച്ചുവെച്ചിരുന്ന മദ്യമാണ് ഇവിടെ നിന്നും പിടികൂടിയത്. സംഭവത്തില്‍ വീട്ടുടമയുടെ മൊഴിയുടെ അടിസ്ഥാനത്തില്‍ മലപ്പുറം സ്വദേശികളായ ഡൊമനിക്ക്, റസാക്ക് പൊക്കത്ത് എന്നിവര്‍ക്കെതിരെ അബ്കാരി നിയമപ്രകാരം കേസെടുത്തതായി എക്‌സൈസ് അറിയിച്ചു. അഗളി എക്‌ സൈസ് റെയ്ഞ്ച് അസി.ഇന്‍സ്‌പെക്ടര്‍ ആര്‍.രഞ്ജിത്ത്, എം.കെ.മണികണ്ഠന്‍, സിവില്‍ എക്‌സൈസ് ഓഫിസര്‍മാരായ ടി.കെ ഭോജന്‍, എ.കെ.ലക്ഷ്മണന്‍, വനിതാ സിവില്‍ എക്‌സൈസ് ഓഫിസര്‍ സി.എന്‍.സബിത, ഡ്രൈവര്‍ ടി.എസ്.ഷാജിര്‍ തുടങ്ങിയവര്‍ പങ്കെടുത്തു.
