അലനല്ലൂര്‍: വായനാമാസാചരണത്തിന്റെ ഭാഗമായി എടത്തനാട്ടുകര ടി.എ.എം.യു. പി.സ്‌കൂളില്‍ നവീകരിച്ച സ്‌കൂള്‍ ലൈബ്രറിയുടേയും വായനാ മുറിയുടെയും ഉദ്ഘാ ടനം ലൈബ്രറി കൗണ്‍സില്‍ അലനല്ലൂര്‍ പഞ്ചായത്ത് കണ്‍വീനര്‍ കെ. രാം കുമാര്‍ നിര്‍വ്വഹിച്ചു. പ്രധാന അധ്യാപകന്‍ ടി.പി. സഷീര്‍ അധ്യക്ഷനായി. ഇതോടനുബന്ധിച്ച് ഒരു ദിനം ഒരറിവ് പദ്ധതി, വായനാ കുറിപ്പ് മത്സരം , അടിക്കുറിപ്പ് മത്സരം , വിദ്യാര്‍ത്ഥി കള്‍ക്കും രക്ഷിതാക്കള്‍ക്കും കഥ- കവിത ശില്പശാല എന്നിവ സംഘടിപ്പിച്ചു. ഷമ്മ ഷാഫിയുടെ കവിതാലാപനവും നടന്നു.വിദ്യാരംഗം കലാസാഹിത്യ വേദി ചെയര്‍മാന്‍ ടി.കെ. അഷ്‌റഫ് , എന്‍.കെ. സഞ്ജയ് കൃഷ്ണന്‍ , പി. ഷാഹിനാ ബേബി ,ജിനു ജോര്‍ജ്ജ് , ടി.പി. അഫീഫ എന്നിവര്‍ സംസാരിച്ചു.
