മണ്ണാര്‍ക്കാട്: തെങ്കര മെഴുകുംപാറ സെന്റ് ജോസഫ് ദേവാലയത്തില്‍ ഇടവക മധ്യ സ്ഥനായ വിശുദ്ധ ഔസേപ്പിന്റെയും വിശുദ്ധ സെബസ്ത്യാനോസിന്റെയും പരിശുദ്ധ കന്യകാമറിയത്തിന്റെയും തിരുനാളിന് കൊടിയേറി. ഇടവക വികാരി ഫാ. ഐബിന്‍ കളത്താര കൊടിയേറ്റ് കര്‍മം നിര്‍വഹിച്ചു. തുടര്‍ന്ന് വിശുദ്ധ കുര്‍ബാന, നൊവേന എന്നിവ നടന്നു.ഇന്ന് രാവിലെ 7.30 ന് ഫാ. ഫെഡ്രി അരീക്കാട്ടിന്റെ കര്‍മ്മികത്വത്തില്‍ ആഘോഷമായ വിശുദ്ധ കുര്‍ബാന, ലദീഞ്ഞ്, വാഹന വെഞ്ചരിപ്പ് എന്നിവ നടക്കും. വൈകുന്നേരം ആറിന് നടക്കുന്ന ഇടവകദിനാഘോഷം മണ്ണാര്‍ക്കാട് ഫൊറോന വികാ രി ഫാ. രാജു പുളിക്കത്താഴെ ഉദ്ഘാടനം ചെയ്യും. വിവിധ കലാപരിപാടികള്‍ അരങ്ങേ റും.
പ്രധാന തിരുനാള്‍ ദിനമായ ഞായറാഴ്ച വൈകുന്നേരം നാലിന് ആഘോഷമായ തിരുനാ ള്‍ പാട്ടുകുര്‍ബാനയ്ക്ക് ഫാ. ടോജി ചെല്ലങ്കോട്ട് മുഖ്യ കാര്‍മികനാകും. തുടര്‍ന്ന്‌ലദീഞ്ഞ്, പ്രദക്ഷിണം എന്നിവ നടക്കും.തിങ്കളാഴ്ച രാവിലെ ഏഴിന് മരിച്ചവര്‍ക്ക് വേണ്ടിയുള്ള കുര്‍ബാനയോടെ തിരുനാള്‍ ആഘോഷങ്ങള്‍ സമാപിക്കും. വികാരി ഫാ. ഐബിന്‍ കളത്താര, കൈക്കാരന്‍മാരായ ജോസഫ് വര്‍ഗീസ് മടിക്കാങ്കല്‍, ജോമോന്‍ കപ്രായില്‍, തിരുനാള്‍ കമ്മിറ്റി കണ്‍വീനര്‍ ജെയിംസ് കളമ്പുകാട്ട് എന്നിവര്‍ നേതൃത്വം നല്‍കും.
