മണ്ണാര്‍ക്കാട് : നിയോജക മണ്ഡലം വനിതാ ലീഗ് കമ്മിറ്റി ചങ്ങലീരിയില്‍ നിര്‍മിച്ച ശിഹാബ് തങ്ങള്‍ ബൈത്തുറഹ്മയുടെ താക്കോല്‍ദാനം തിങ്കളാഴ്ച വൈകീട്ട് നാല് മണിക്ക് പാണക്കാട് സയ്യിദ് മുനവ്വറലി ശിഹാബ് തങ്ങള്‍ നിര്‍വ്വഹിക്കും. മുസ്ലിം ലീഗ്,യൂത്ത് ലീഗ് സംസ്ഥാന,ജില്ലാ,മണ്ഡലം നേതാക്കള്‍ സംബന്ധിക്കും.ഇത് സംബന്ധിച്ച് ചേര്‍ന്ന വനിതാ ലീഗ് നിയോജക മണ്ഡലം പ്രവര്‍ത്തക സമിതി യോഗം ബൈത്തുറഹ്മ താക്കോല്‍ദാന പരിപാടി വിജയിപ്പിക്കാനും റമസാനില്‍ റിലീഫ് പ്രവര്‍ത്തനം ഊര്‍ജ്ജിതമാക്കാനും തീരുമാനിച്ചു.മുസ്ലിം ലീഗ് ജില്ലാ ജനറല്‍ സെക്രട്ടറി അഡ്വ.ടി എ സിദ്ദീഖ് ഉദ്ഘാടനം ചെയ്തു.വനിതാ ലീഗ് മണ്ഡലം പ്രസിഡന്റ് റഫീഖ പാറോക്കോട് അധ്യക്ഷയായി.മുസ്ലിം ലീഗ് മണ്ഡലം പ്രസിഡന്റ് റഷീദ് ആലായന്‍, ജനറല്‍ സെക്രട്ടറി ഹുസൈന്‍ കോളശ്ശേരി,വനിതാ ലീഗ് ജില്ലാ വൈസ് പ്രസിഡന്റ് ഷാഹിന എരേരത്ത്,മണ്ഡലം ജനറല്‍ സെക്രട്ടറി മുത്തനില്‍ റഫീന റഷീദ്,ട്രഷറര്‍ ഷാഹിദ,റഹ്മത്ത് മഠത്തൊടി,സലീന, പി എ റജീന തുടങ്ങിയവര്‍ സംസാരിച്ചു.
