മണ്ണാര്‍ക്കാട്: അമാന ബെസ്റ്റ് ലൈഡ് സൊസൈറ്റിയുടെ വാര്‍ഷികാഘോഷത്തിന്റെ ഭാഗമായി നാളെ കാഞ്ഞിരപ്പുഴ ഉദ്യാനത്തില്‍ പാലിയേറ്റീവ് കലാകാരന്‍മാരും മറ്റ് ഗായകരും അണിനിരക്കുന്ന കലാസന്ധ്യ സംഘടിപ്പിക്കുന്നതായി മാനേജിംഗ് ഡയറക്ടര്‍ കെ വി എ റഹ്മാന്‍ അറിയിച്ചു.വൈകീട്ട് നാല് മണി മുതല്‍ രാത്രി എട്ടു മണി വരെയാണ് പരിപാടി.കാഞ്ഞിരപ്പുഴ ഗ്രാമ പഞ്ചായത്ത് പ്രിഡന്റ് സതി രാമരാജന്‍ ഉദ്ഘാടനം ചെ യ്യും.ന്യൂ അല്‍മ ഹോസ്പിറ്റല്‍ മാനേജിംഗ് ഡയറക്ടര്‍ ഡോ കെ എ കമ്മാപ്പ മുഖ്യാതിഥി യായിരിക്കും.എബിഎസ് മാനേജിംഗ് ഡയറക്ടര്‍ കെ വി എ റഹ്മാന്‍ അധ്യക്ഷനാകും. മണ്ണാര്‍ക്കാട് ബ്ലോക്ക് പഞ്ചായത്ത് വൈസ് പ്രസിഡന്റ് ചെറൂട്ടി മുഹമ്മദ്,കാഞ്ഞിരപ്പുഴ പഞ്ചായത്ത് സ്ഥിരം സമിതി അധ്യക്ഷന്‍ പ്രദീപ് മാസ്റ്റര്‍,അഡ്വ സക്കീര്‍ ഹുസൈന്‍, സാമൂഹ്യപ്രവര്‍ത്തകന്‍ അബൂബക്കര്‍ ബാവി തുടങ്ങിയവര്‍ വിശിഷ്ടാതിഥികളാകും. ഗ്രാമ പഞ്ചായത്ത് വൈസ് പ്രസിഡന്റ് സിദ്ദീഖ് ചേപ്പോടന്‍,എംഇഎസ് കല്ലടി കോളേജ് പ്രൊഫ.പി എം സലാഹുദ്ദീന്‍,എടത്തനാട്ടുകര ചാരിറ്റി കൂട്ടായ്മ പ്രസിഡന്റ് ഷമീം കരുവള്ളി,പാലിയേറ്റീവ് പ്രവര്‍ത്തകന്‍ മുഹമ്മദാലി അന്‍സാരി മാസ്റ്റര്‍,കെപിഐപി ഓവര്‍സിയര്‍ എസ് വിജു തുടങ്ങിയവര്‍ സംസാരിക്കും.ഷിയാസ് സ്വാഗതവും ഹാരിസ് നന്ദിയും പറയും.
