കോട്ടോപ്പാടം: പാലക്കാട് ജില്ലാ പഞ്ചായത്ത് ജനകീയാസൂത്രണ പദ്ധതിയില്‍ നവീകരിച്ച കോട്ടോപ്പാടം ഗ്രാമപഞ്ചായത്തിലെ ആര്യമ്പാവ് വളവന്‍ഞ്ചിറ എസ് സി കോളനി റോ ഡിന്റെ ഉദ്ഘാടനം ജില്ലാ പഞ്ചായത്ത് മെമ്പര്‍ ഗഫൂര്‍ കോല്‍കളത്തില്‍ നിര്‍വ്വഹിച്ചു. 2022-23 വാര്‍ഷികപദ്ധതിയില്‍ 10 ലക്ഷം രൂപ ചെലവഴിച്ചാണ് റോഡ് നവീകരണം പൂര്‍ത്തി യാക്കിയത്.ഗ്രാമപഞ്ചായത്ത് പ്രസിഡന്റ് ജസീന അക്കര അധ്യക്ഷയായി. സ്ഥിരം സമിതി അധ്യക്ഷന്‍ പാറയില്‍ മുഹമ്മദാലി,മുന്‍ പഞ്ചായത്ത് മെമ്പര്‍മാരായ കാസിം കുന്നത്ത്, വാസു വളവന്‍ചിറ,റജീന കുറ്റിക്കാട്ടില്‍, പടൂവില്‍ നൗഷാദ്, എന്‍.പി. ബഷീര്‍, കെ.അബ്ദുറഹ്മാന്‍, പി ഹംസ, കെ ഏനു, വി.കുമാരന്‍ , കെ.മാധവന്‍, വി. പറം ങ്കോടന്‍, സുഹ്‌റ സി, ജസ്‌ന കെ എന്നിവര്‍ സംസാരിച്ചു.
