മണ്ണാര്‍ക്കാട്: ഈ വര്‍ഷത്തെ ആലിപ്പറമ്പ് ശിവരാമ പൊതുവാള്‍ വാദ്യ പ്രവീണ പുര സ്‌ക്കാരം തായമ്പക കലാകാരന്‍ പനമണ്ണ ശശിക്ക് കവി മുരുകന്‍ കാട്ടാക്കട സമ്മാനിച്ചു. കെ.ടി.ഡി.സി.ചെയര്‍മാന്‍ പി.കെ.ശശി ഉദ്ഘാടനം ചെയ്തു.നഗരസഭ ചെയര്‍മാന്‍ ഫായിദ ബഷീര്‍ അധ്യക്ഷനായി. വാദ്യകലാകാരന്‍ ഹരിദാസ് മണ്ണാര്‍ക്കാടിനുള്ള ആദരം ഡിവൈഎസ്പി കൃഷ്ണദാസ് നല്‍കി. ക്ഷേത്രം മാനേജിംഗ് ട്രസ്റ്റി കെ.എം.ബാലചന്ദ്ര നുണ്ണി,പൂരാഘോഷ കമ്മിറ്റി പ്രസിഡന്റ് കെ.സി. സച്ചിദാനന്ദന്‍, ജനറല്‍ സെക്രട്ടറി എം.പുരുഷോത്തമന്‍, നഗരസഭ വൈസ് ചെയര്‍പേഴ്സണ്‍ പ്രസീത, ഡോ: എ.പി.രാധാ കൃഷ്ണന്‍, കൗണ്‍സിലര്‍മാരായ അരുണ്‍ കുമാര്‍ പാലക്കുറുശ്ശി , ടി.ആര്‍.സെബാസ്റ്റ്യന്‍, അമുദ, പൂരാഘോഷ കമ്മിറ്റി വൈസ് പ്രസിഡന്റ് പി.കെ.മോഹന്‍ദാസ് എന്നിവര്‍ സംസാരിച്ചു.25000 രൂപയും പ്രശസ്തി പത്രവുമടങ്ങുന്ന പുരസ്‌ക്കാരം 2010 മുതല്‍ മണ്ണാ ര്‍ക്കാട് പൂരാഘോഷ കമ്മിറ്റി നല്‍കി വരുന്നതാണ്. ഡോ.എന്‍.പി. വിജയകൃഷ്ണന്‍ ചെയ ര്‍മാനായ ജൂറിയാണ് പുരസ്‌ക്കാര ജേതാവിനെ തിരഞ്ഞെടുക്കുന്നത്.
