മണ്ണാര്‍ക്കാട്: കുമരംപുത്തൂര്‍ കല്ലടി ഹയര്‍ സെക്കന്ററി സ്‌കൂള്‍ നാഷണല്‍ സര്‍വ്വീസ് സ്‌കീം യൂണിറ്റിന്റെ നേതൃത്വത്തില്‍ ഭിന്ന ശേഷി ദിനാചരണത്തിന്റെ ഭാഗമായി വിയ്യക്കുറുശ്ശി ഫെയ്ത്ത് ഇന്ത്യ സ്‌പെഷല്‍ സ്‌കൂളില്‍ വളണ്ടിയര്‍മാരും അധ്യാപകരും ഒത്തു ചേര്‍ന്നു.മധുര പലഹാരങ്ങള്‍ നല്‍കിയും പാട്ടുകള്‍ പാടിയും ആ ഘോഷിച്ചു. സ്ഥാപനത്തിലേക്കാവശ്യമായ ഫാനുകള്‍,എന്‍. എസ്. എസ് തെളിമ പദ്ധതിയുടെ ഭാഗമായി കുട്ടികള്‍ക്ക് കളറിങ് മെറ്റീ രിയല്‍സും പുസ്തകങ്ങളും നല്‍കി.എന്‍ എസ് എസ് മണ്ണാര്‍ക്കാട് ക്ലസ്റ്റര്‍ കണ്‍വീനര്‍ കെ. എച്ച് ഫഹദ് ഉദ്ഘാടനം ചെയ്തു.ഫെയ്ത്ത് ഇന്ത്യ സ്‌കൂള്‍ പ്രധാനധ്യാപകന്‍ ജയപ്രകാശ് അധ്യക്ഷനായി. പ്രോ ഗ്രാം ഓഫീസര്‍ ജസി ചാക്കോ, ടി.പി മുഹമ്മദ് മുസ്തഫ, വി.മൈത്രി, കുഞ്ഞയമ്മു എന്നിവര്‍ സംബന്ധിച്ചു. വളണ്ടിയര്‍ ലീഡര്‍മാരായ അനുപമ, അഭിനവ്, അനാമിക, ഉധവ് എന്നിവര്‍ നേതൃത്വം നല്‍കി.
