മണ്ണാര്‍ക്കാട്: പ്രവാചകന്‍ മുഹമ്മദ് നബിയെ ചാനല്‍ ചര്‍ച്ചക്കിടെ നിന്ദിക്കുകയും അതിലൂടെ വര്‍ഗ്ഗീയത പ്രചരിപ്പിക്കാന്‍ ശ്രമിച്ച സംഘപരിപാര്‍ വക്താക്കള്‍ക്കെതിരെ ശക്തമായ ശിക്ഷാ നടപടി സ്വീകരിക്കണമെന്നാവശ്യപ്പെട്ട് കൊണ്ട് നായാടിക്കുന്ന് അല്‍ മദ്‌റ സത്തു റഷീദിയ്യയില്‍ അധ്യാപകരും വിദ്യാര്‍ഥികളും മദ്രസാ കമ്മിറ്റി ഭാരവാഹികളും അണിനിരന്ന പ്രതിഷേധ ചങ്ങല സം ഘടിപ്പിച്ചു. മദ്രസ മാനേജ്‌മെന്റ് സെക്രട്ടറി ഹംസ മാസ്റ്റര്‍ അധ്യ ക്ഷത വഹിച്ചു. മദ്രസ മാനേജ്‌മെന്റ് പ്രസിഡന്റ് സയ്യിദ് ഹസ്സന്‍ തങ്ങള്‍ ഉദ്ഘാടനം നിര്‍വഹിച്ചു. എസ്.കെ.എസ്.എസ്.എഫ് മണ്ണാര്‍ക്കാട് മേഖല വര്‍ക്കിങ് സെക്രട്ടറി അന്‍ഷാദ് വാഫി മുഖ്യ പ്രഭാഷണം നടത്തി. അധ്യാപകരായ ഹമീദ്, മുഹമ്മെദാലി, അബ്ദുസലാം മുസ്ലിയാര്‍, ഷാഹബാദ്, സ്വലിഹ്, യൂസഫ്, നാസര്‍, അസീസ്, യൂസഫ് ഫൈസി, ഇസ്ഹാഖ് മുസ്ലിയാര്‍, സാലിം ഹുദവി തുടങ്ങിയവര്‍ സംബന്ധിച്ചു.
