അലനല്ലൂര്‍:പ്ലസ്ടു പരീക്ഷയില്‍ ഉന്നത വിജയം നേടിയവരെ ഡിവൈ എഫ്‌ഐ മുണ്ടക്കുന്ന് യൂണിറ്റ് അനുമോദിച്ചു.സമ്പൂര്‍ണ എ പ്ലസ് കര സ്ഥമാക്കിയ ഹാനിക പടിഞ്ഞാറപ്പള്ള,റിഫ തെക്കന്‍,ശിവജ പാ ങ്ങോട്ടില്‍, അഞ്ചുവിഷയങ്ങളില്‍ എപ്ലസ് നേടിയ ഏറാടന്‍ അസ്ഫ നസ്‌റിന്‍,ചുങ്കന്‍ അഷ്ബിന്‍ ഹമാന്‍,ചുങ്കന്‍ ഷിബില ഷെറിന്‍, പമ്പോട്ടില്‍ അനുശ്രീ എന്നിവരെയാണ് അനുമോദിച്ചത്. ഡിവൈ എഫ്‌ഐ എടത്തനാട്ടുകര മേഖല ജോയിന്റ് സെക്രട്ടറി എംപി ശിവ പ്രകാശ് ഉദ്ഘാടനം ചെയ്തു.യൂണിറ്റ് സെക്രട്ടറി പി സജീഷ്, പാങ്ങോട്ടില്‍ അഖില്‍,മരുതംപ്പാറ ജംഷീര്‍,കെ സുബ്രഹ്മണ്യന്‍,ടി അഭില്‍ രാജ് തുടങ്ങിയവര്‍ നേതൃത്വം നല്‍കി.
