മണ്ണാര്‍ക്കാട്:ചെക്‌പോസ്റ്റിന്റെ ക്രോസ് ബാറിന് മുന്നില്‍ റോഡിന് നടുവില്‍ നിര്‍ത്തിയിട്ട കാര്‍ മാറ്റാന്‍ ആവശ്യപ്പെട്ടതിന് കാര്‍ ഡ്രൈ വര്‍ വനപാലകനെ മര്‍ദിച്ചതായും ഓദ്യോഗിക കൃത്യനിര്‍വ്വണം തടസ്സപ്പെടുത്തിയതായും പരാതി.മണ്ണാര്‍ക്കാട് ഫോറസ്റ്റ് സ്‌റ്റേഷന്‍ സെക്ഷന്‍ ഫോറസ്റ്റ് ഓഫീസര്‍ കെ രാജേഷ് ഇത് സംബന്ധിച്ച് മണ്ണാര്‍ക്കാട് പോലീസില്‍ പരാതി നല്‍കി.കോവിഡ് 19 സുരക്ഷയു ടെ ഭാഗമായി ആനമൂളി ചെക് പോസ്റ്റില്‍ ഡ്യൂട്ടിക്കിടെ ഇന്ന് രാവി ലെ 9 മണിയോടെയാണ് സംഭവം.രാജേഷ് താലൂക്ക് ആശുപത്രിയില്‍ ചികിത്സ തേടി.രാജേഷിന്റെ പരാതിയില്‍ മണ്ണാര്‍ക്കാട് പോലീസ് കണ്ടാല്‍ അറിയാവുന്ന ഡ്രൈവര്‍ക്കെതിരെ കേസെടുത്ത് അന്വേഷണം തുടങ്ങി.
