പാലക്കാട്: സംസ്ഥാനത്ത് ട്രെയിനുകളില് യാത്ര ചെയ്യുന്നവരുടെ, പ്രത്യേകിച്ച് സ്ത്രീകളുടെ സുരക്ഷിതത്വം ഉറപ്പാക്കാന് റെയില്വെ പൊലിസും ലോക്കല് പൊലിസും ചേര്ന്ന് ‘ഓപ്പറേഷന് രക്ഷിത’ എന്ന പേരില് പദ്ധതി തുടങ്ങി. റെയില്വെ സ്റ്റേഷനുകളിലും ട്രെയിനുകളിലും നിയമവിരുദ്ധമായ പ്രവര്ത്തനങ്ങള്, ലഹരി ഉപയോഗം, സ്ത്രീകളോടുള്ള മോശമായ പെരുമാറ്റം തുടങ്ങിയ കുറ്റകൃത്യങ്ങള് തടയുക എന്ന ലക്ഷ്യത്തോടെ റെയില്വേ എസ്.പി.യുടെ നേതൃത്വത്തിലാണ് പദ്ധതി ആരംഭിച്ചിട്ടുള്ളത്.
തിരുവനന്തപുരം, എറണാകുളം, പാലക്കാട്, കോഴിക്കോട് എന്നിങ്ങനെ നാല് മേഖലക ളായി തിരിച്ചാണ് ‘ഓപ്പറേഷന് രക്ഷിത’ നടപ്പാക്കുന്നത്. ഈ നാല് മേഖലകളിലും റെയി ല്വേ ഡിവൈ.എസ്.പി.മാരുടെ മേല്നോട്ടത്തില് വനിതാ പോലിസ് ഉള്പ്പെടെയുള്ള സേനാംഗങ്ങളെ ഉപയോഗിച്ച് ട്രെയിനുകളിലും പ്ലാറ്റ്ഫോമുകളിലും പട്രോളിങ് ശക്ത മാക്കി. സ്ത്രീകള് കൂടുതലുള്ള കമ്പാര്ട്ട്മെന്റുകളില് പ്രത്യേക പരിശോധന നടത്താ ന് തീരുമാനിച്ചിട്ടുണ്ട്. റെയില്വേ സ്റ്റേഷനുകളിലെ പ്രവേശന കവാടങ്ങളിലും ട്രെയി നുകളിലും പരിശോധന കര്ശനമാക്കിയതിന്റെ ഭാഗമായി, 38 റെയില്വേ സ്റ്റേഷനു കളില് മദ്യപിച്ചവരെ കണ്ടെത്താനായി ആല്ക്കോമീറ്റര് പരിശോധനയും തുടങ്ങിയി ട്ടുണ്ട്. ട്രെയിനുകള്ക്ക് നേരെ കല്ലെറിയുന്നവരെയും ട്രാക്കില് കല്ലും മറ്റും വെച്ച് അപകടമുണ്ടാക്കാന് ശ്രമിക്കുന്നവരെയും കണ്ടെത്താന് റെയില്വേ പ്രൊട്ടക്ഷന് ഫോഴ്സും (ആര്.പി.എഫ്.) പൊലിസും നിരീക്ഷണം വര്ധിപ്പിച്ചിട്ടുണ്ട്. ഇതിന് പുറമെ, ബോംബ് സ്ക്വാഡിന്റെയും നര്ക്കോട്ടിക് വിഭാഗത്തിന്റെയും സഹായത്തോടെ മയക്കുമരുന്നുകള്, നിരോധിത പുകയില ഉത്പന്നങ്ങള്, ഹവാല പണം എന്നിവ കണ്ടെത്താനുള്ള പരിശോധനയും ശക്തമാക്കി.
സംശയകരമായ വസ്തുക്കളോ ഉപേക്ഷിക്കപ്പെട്ട ബാഗുകളോ കണ്ടെത്തിയാല് ഉടന് പരിശോധന നടത്താന് ബോംബ് സ്ക്വാഡ്, കെ-9 സ്ക്വാഡ് എന്നിവയുടെ സേവനം ഉപയോഗപ്പെടുത്തും. ടിക്കറ്റില്ലാതെ യാത്ര ചെയ്യുന്നവരെയും പ്ലാറ്റ്ഫോം ടിക്കറ്റില്ലാതെ കറങ്ങി നടക്കുന്നവരെയും കര്ശനമായി നിരീക്ഷിച്ച് നിയമനടപടികള് സ്വീകരിക്കാ നും തീരുമാനിച്ചിട്ടുണ്ട്. സ്ഥിരമായി കുറ്റകൃത്യങ്ങളില് ഏര്പ്പെടുന്നവരെ കരുതല് തടങ്കലില് ആക്കുന്നതടക്കമുള്ള നടപടികളും സ്വീകരിക്കുംസംശയാസ്പ ദമായ വസ്തുക്കളെയോ വ്യക്തികളെയോ കണ്ടാല് യാത്രക്കാര്ക്ക് റെയില് അലര്ട്ട് കണ് ട്രോള് നമ്പരായ 9846200100-ലോ, എമര്ജന്സി റെസ്പോണ്സ് സപ്പോര്ട്ട് സിസ്റ്റം കണ്ട്രോള് 112-ലോ, റെയില്വേ ഹെല്പ്പ് ലൈന് നമ്പരായ 139-ലോ വിവരം നല്കാവു ന്നതാണെന്ന് പാലക്കാട് റെയില്വെ പൊലിസ് ഡിവൈ.എസ്.പി അറിയിച്ചു.
About the Author
