പാലക്കാട് :ജില്ലയിലെ എല്ലാ പ്രാഥമിക ആരോഗ്യ കേന്ദ്രങ്ങളിലും നേത്ര ചികില്സ ക്യാംപുകള് സംഘടിപ്പിച്ച് രോഗികള്ക്ക് ആശ്വാസമാവുകയാണ് മൊബൈല് ഓഫ്ത്താല്മോളജി ക്ലിനിക്ല്. 2015ല് ആരംഭിച്ച ക്ലിനിക്കിലൂടെ ഇതിനകം ആയി രത്തോളം പേര്ക്ക് പ്രയോജനം ലഭിച്ചു.പ്രാഥമിക ആരോഗ്യ കേന്ദ്രങ്ങളില് നിന്ന് കണ്ടെത്തുന്ന തുടര് ചികിത്സ ആവശ്യമുള്ള രോഗികളെ വാഹനത്തില് ജില്ലാ ആശുപത്രിയിലെത്തിച്ച് തിമിര ശസ്ത്രക്രിയ സൗജന്യമായി നടത്തി തിരിച്ചെത്തിക്കു ന്നു. ഒരു മാസം ശരാശരി 50 ഓളം രോഗികള് ക്യാംപില് മാത്രം ശസ്ത്രക്രിയ നടത്തു ന്നുണ്ട്. പ്രമേഹ രോഗികള്ക്ക് ലേസര് ചികിത്സയും നല്കി വരുന്നു. ആവശ്യമായ രോഗികള്ക്ക് കണ്ണടകളും നല്കുന്നു. ദുര്ഘട പ്രദേശങ്ങള്ക്ക് മുന്ഗണന നല്കി ഗോത്രമേഖലകളിലും വിദൂര ഗ്രാമങ്ങളിലും നേത്രചികിത്സാ ക്യാമ്പുകള് സംഘടിപ്പി ക്കുന്നത് ആയിരക്കണക്കിന് ആളുകള്ക്ക് ആശ്വാസമാകുകയാണ്.പ്രാഥമികാരോഗ്യ കേന്ദ്രങ്ങളെയും തദ്ദേശ സ്വയംഭരണ സ്ഥാപനങ്ങളെയും സഹകരിപ്പിച്ചാണ് മൊബൈല് നേത്രചികിത്സാ വിഭാഗം ക്യാംപുകള് നടത്തുന്നത്. ഒരു ഒഫ്താല്മോളജിസ്റ്റ് (നേത്രരോഗ വിദഗ്ദ്ധന്), ഒഫ്താല്മിക് കോ ഓര്ഡിനേറ്റര് (നേത്രരോഗ ഏകോപകന്), നഴ്സിങ് അസിസ്റ്റന്റ്, ഒപ്റ്റോമെട്രിസ്റ്റ്, ഡ്രൈവര് എന്നിവരടങ്ങുന്നതാണ് ടീം. പ്രാദേശികമായി ലഭ്യമാകുന്ന ഒപ്റ്റോമെട്രിസ്റ്റുകളെയും ക്യാമ്പിന്റെ ഭാഗമാക്കുന്നുണ്ട്. ക്യാംപ് തുടങ്ങുന്നതിന് ഒരു മാസം മുമ്പുതന്നെ ആസൂത്രണം ആരംഭിക്കും. പ്രാദേശിക മെഡിക്കല് ഓഫീസറുമായും ഫീല്ഡ് സ്റ്റാഫുമായും ആലോചിച്ചാണ് ക്യാംപിന്റെ തീയതികളും വേദികളും തീരുമാനിക്കുന്നത്.ജില്ലാ ആശുപത്രിയിലെ ഒഫ്താല്മിക് സര്ജന് ഡോ. വി കെ പി ഗീതയാണ് ക്ലിനിക്കിന്റെ പ്രവര്ത്തനങ്ങള്ക്ക് നേതൃത്വം നല്കുന്നത്.
About the Author
