മണ്ണാര്ക്കാട്: സംസ്ഥാന സര്ക്കാറിന്റെ ആഭിമുഖ്യത്തില് പ്രാദേശികതലത്തില് വികസന ആശയങ്ങള് അവതരിപ്പിക്കുന്നതിനും പൊതുജനാഭിപ്രായം ഉള്ക്കൊ ള്ളുന്നതിനുമായി ‘വികസന സദസ്’ സംഘടിപ്പിക്കും. തദ്ദേശ സ്വയംഭരണ വകുപ്പും ഇന്ഫര്മേഷന് പബ്ലിക് റിലേഷന്സ് വകുപ്പും സംയുക്തമായാണ് സദസൊരുക്കുന്നത്. സെപ്റ്റംബര് 20 മുതല് ഒക്ടോബര് 20 വരെ ഗാമപഞ്ചായത്ത്, നഗരസഭ, കോര്പ്പറേഷന് തലങ്ങളിലാണ് വികസന സദസുകള് നടക്കുക. സംസ്ഥാനതല ഉദ്ഘാടനം സെപ്റ്റം ബര് 20ന് രാവിലെ 11 മണിക്ക് മുഖ്യമന്ത്രി നിര്വഹിക്കും. തുടര്ന്ന് ജില്ല, ഗ്രാമ പഞ്ചായ ത്തുതലങ്ങളില് വിവിധ ദിവസങ്ങളിലായി പരിപാടികള് നടത്തും.
ഗ്രാമപഞ്ചായത്തുകളില് 250 മുതല് 350 പേര് വരെയും നഗരസഭ/കോര്പ്പറേഷനുകളില് 750 മുതല് 1000 പേര് വരെയും പങ്കാളികളാകും. മന്ത്രിമാര്, എംഎല്എമാര്, പഞ്ചായത്ത് പ്രസിഡന്റുമാര്, മേയര്മാര്, ജനപ്രതിനിധികള് ഉള്പ്പെടെ വിവിധ മേഖലകളിലെ വിദഗ്ധരും സമൂഹത്തിലെ വിവിധ മേഖലകളിലുള്ളവരും പങ്കാളികളാകും. ഉദ്ഘാടന സമ്മേളനത്തോടെയാണ് വികസന സദസ് ആരംഭിക്കുക. അതോടൊപ്പം തദ്ദേശ സ്ഥാപ നത്തിന്റെ വികസന നേട്ടങ്ങള് ഉള്ക്കൊള്ളുന്ന പ്രോഗ്രസ് റിപ്പോര്ട്ട് പ്രകാശനം ചെ യ്യും. അതിനുശേഷം, അതിദാരിദ്ര്യ നിര്മാര്ജനം, ലൈഫ് മിഷന് പദ്ധതികള്, ഹരിത കര്മ്മസേനാംഗങ്ങള് തുടങ്ങിയ സര്ക്കാര് വികസന പ്രവര്ത്തനങ്ങളില് പങ്കാളികളാ യവരെ ആദരിക്കും.സംസ്ഥാന സര്ക്കാരിന്റെ വികസന നേട്ടങ്ങള് വിശദീകരിക്കുന്ന വീഡിയോ/പ്രസന്റേഷന് അവതരിപ്പിക്കും. അതിദാരിദ്ര്യ നിര്മാര്ജനം, മാലിന്യമുക്ത നവകേരളം തുടങ്ങിയ പദ്ധതികളിലെ തദ്ദേശ സ്ഥാപനങ്ങളുടെ നേട്ടങ്ങള്, നൂതന പ്രവ ര്ത്തനങ്ങള് എന്നിവ സെക്രട്ടറിമാര് അവതരിപ്പിക്കും.
പരിപാടിയുടെ അവസാന ഒരു മണിക്കൂര് പൊതുജനങ്ങളില് നിന്നുള്ള അഭിപ്രായങ്ങ ളും നിര്ദ്ദേശങ്ങളും സ്വീകരിക്കുന്നതിനായി ഓപ്പണ് ഫോറം നടത്തും.വികസന സദ സ്സിനോടനുബന്ധിച്ച് അതത് തദ്ദേശ സ്ഥാപനങ്ങളുടെ നേട്ടങ്ങള് പ്രദര്ശിപ്പിക്കുന്ന മിനി എക്സിബിഷനും കെ-സ്മാര്ട്ട് സേവനങ്ങള് ലഭ്യമാക്കുന്ന ക്ലിനിക്കും സംഘടിപ്പിക്കും. വി കസന സദസ്സില് ലഭിക്കുന്ന നിര്ദ്ദേശങ്ങളും വിവരങ്ങളും തദ്ദേശ സ്വയംഭരണ വകുപ്പ് തയ്യാറാക്കുന്ന പോര്ട്ടലില് അപ്ലോഡ് ചെയ്യും.ജനങ്ങളുടെ അഭിപ്രായങ്ങള് നേരിട്ടും ഓണ്ലൈനിലും സ്വീകരിച്ച് സര്ക്കാര് വികസന പദ്ധതികളില് ഉള്പ്പെടുത്തും. കൂടാ തെ സേവനങ്ങളെ സംബന്ധിച്ച പ്രദര്ശനങ്ങളും എക്സിബിഷനുകളും സംഘടിപ്പിക്കും.
About the Author
